جيىندا «ەدٸلەتتٸ قازاقستاندى قالىپتاستىرۋداعى جەتٸسۋ وبلىستىق قازاقستان حالقى اسسامبلەياسى جۇمىسىنىڭ نەگٸزگٸ باعىتتارى» تاقىرىبى تالقىلاندى.
ەلٸمٸزدەگٸ ساياسي جاڭعىرۋعا, جالپىۇلتتىق تۇتاستىقتى نىعايتۋعا اسسامبلەيانىڭ قوسىپ وتىرعان ٷلەسٸنە توقتالعان وبلىس ەكٸمٸ بٸرتۇتاس ۇلت بولىپ ۇيىسۋعا اتسالىسۋ, وتانشىلدىقتى, ٶزارا سىيلاستىق پەن تاتۋلىقتى جان-جاقتى دەرٸپتەۋ بارشامىزدىڭ ورتاق مٸندەتٸمٸز ەرٸ اينىماس ستراتەگييالىق باعدارىمىز ەكەنٸن اتاپ ٶتتٸ. بۇل رەتتە وبلىستىق قحا-نى «ايماق حالقىنىڭ بٸرلٸگٸ مەن ورتاق مٷددەلەرٸن بٸرٸكتٸرەتٸن بايلانىستىرۋشى بۋىن, بٸرەگەي الاڭ» دەپ اتادى.
– «ەدٸلەتتٸ قازاقستاننىڭ ەكونوميكالىق باعدارى» جولداۋىندا پرەزيدەنت الدىمىزعا بٸرقاتار كەلەلٸ مٸندەتتەر جٷكتەدٸ. وسى ورايدا بٸز ٶزدەرٸڭٸزبەن بٸرلەسٸپ وسى اۋقىمدى مٸندەتتەردٸ ٶڭٸردە ٸسكە اسىرۋدىڭ نەتيجەلەرٸن تالقىلاپ, الداعى ٸس-شارالاردىڭ باعىت-باعدارىن ايقىندايتىن بولامىز, – دەدٸ بەيبٸت يساباەۆ.
كٷن تەرتٸبٸندەگٸ مەسەلەگە بايلانىستى بٸرقاتار ازاماتتار سٶز الدى. وبلىس ەكٸمٸنٸڭ ورىنباسارى مارلەن كٶلباەۆ كەلەر جىلعا ۇسىنىلاتىن اسسامبلەيا جۇمىسىنىڭ باسىم باعىتتارىن بايانداپ بەردٸ. سونىڭ ٸشٸندە مەدەني-كٶپشٸلٸك شارالاردى ۇيىمداستىرۋدىڭ جاڭا فورماتىنا كٶشٸپ, شىعارماشىلىق پەن كرەاتيۆتٸ كٶزقاراس تانىتۋ, ەتنومەدەني بٸرلەستٸكتەردٸڭ ەلەۋمەتتٸك ماڭىزى بار باستامالارىن گرانتتىق قارجىلاندىرۋعا اۋىستىرۋ, ٶزگە ەتنوس ٶكٸلدەرٸنٸڭ جاستارىن مەملەكەتتٸك قىزمەتكە, قۇقىق قورعاۋ جەنە ەسكەري قىزمەتكە جۇمىسقا ورنالاسۋعا ىنتالاندىرۋ جەنە مٷمكٸندٸكتەر تۋعىزۋ سيياقتى كٶپتەگەن باستامالار بار.
سونىمەن قاتار قازاقستان حالقى اسسامبلەياسىنىڭ مٷشەسٸ اتساليم يديگوۆ, وبلىستىق كورەي ەتنومەدەني ورتالىعىنىڭ تٶراعاسى ۆلاديمير لي, قر پرەزيدەنتٸنٸڭ جانىنداعى مەملەكەتتٸك باسقارۋ اكادەميياسىنىڭ جەتٸسۋ وبلىسى بويىنشا فيليالىنىڭ ديرەكتورى باقىت زلوبين وي-پٸكٸرلەرٸن ورتاعا سالدى.
سەسسييا جۇمىسىن قورىتىندىلاعان وبلىس ەكٸمٸ مەملەكەتتٸك مەكەمەلەرگە ەتنوبٸرلەستٸكتەر جۇمىسىن جانداندىرا تٷسۋ, مەملەكەتتٸك تٸلدٸ ٷيرەتۋ ٸسٸن جاڭعىرتۋ, تالدىقورعاندا «دوستىق اللەياسىن» سالاتىن لايىقتى ورىن قاراستىرۋ جەنە ەتنوس ارالىق تاتۋلىقتى نىعايتۋعا باعىتتالعان باسقا دا تاپسىرمالار بەردٸ.
