ءماجىلىس دەپۋتاتى ەدىل جاڭبىرشين اتىراۋدا سۋ تاسقىنى كەزىندە ادامدارعا كومەكتەسكەن ءپشون ەسىمدى ءيتتىڭ ولىمىنە بايلانىستى پىكىر ءبىلدىردى، دەپ حابارلايدى Dalanews.kz.
دەپۋتاتتىڭ ايتۋىنشا، قازىرگى زاڭنامادا جانۋارلاردى اتۋعا تىكەلەي رۇقسات جوق، ءبىراق بەلگىلى ءبىر جاعدايلاردا شارا قولدانۋعا مۇمكىندىك بار.
“ەگەر جانۋار اگرەسسيۆتى مىنەز كورسەتسە، ادامعا شابۋىل جاساسا نەمەسە قۇتىرما اۋرۋىنا شالدىققان بولسا، ونى شەكتەۋگە بولادى. ءبىراق اتىراۋدا ناقتى نە بولعانىن ايتۋ قيىن، سەبەبى ءبىز ول جەردە بولعان جوقپىز”، – دەدى جاڭبىرشين Qaz365 اگەنتتىگىنە.
سونىمەن قاتار ول يەسى بار ءيتتى ولتىرگەندەر زاڭ بويىنشا جاۋاپقا تارتىلاتىنىن ايتتى.
“ەگەر يت يەسىنە تيەسىلى بولسا جانە ونى ولتىرسە، بۇل زاڭعا قايشى ارەكەت بولىپ سانالادى. مۇنداي جاعدايدا جاۋاپكەرشىلىككە تارتۋ كوزدەلگەن. تولىعىراق مالىمەت الۋ ءۇشىن اتىراۋعا بارىپ، جەرگىلىكتى ورگاننان سۇراعان ءجون. ءقازىر بۇل وقيعا بويىنشا تەكسەرىس ءجۇرىپ جاتىر”، – دەدى دەپۋتات.
ايتا كەتەيىك، بۇعان دەيىن الەمجەلىدە كوكتەمگى سۋ تاسقىنى كەزىندە اتىراۋلىق تۇرعىندارعا كومەكتەسكەن “ءپىشون” ەسىمدى ءيتتىڭ اتىپ ولتىرىلگەنى تۋرالى اقپارات تاراعان ەدى.
اتىراۋ وبلىسىنىڭ اكىمى سەرىك شاپكەنوۆ ءيتتىڭ ولىمىنە بايلانىستى ارنايى تەكسەرىس جۇرگىزىلىپ جاتقانىن مالىمدەدى.
اكىم بۇل جاعداي تۋرالى ب ا ق بەتتەرىنەن بىلگەنءىن اتاپ ءوتتى.
“بۇل جاعداي ماحامبەت اۋدانىنىڭ سارىتوعاي اۋىلىندا ورىن العان. سۋ تاسقىنى كەزىندە حالىققا كومەكتەسكەن “ءپىشون” ەسىمدى يت الەۋمەتتىك جەلىلەردە تانىمال بولدى. الايدا 28 قاراشا كۇنى اۋىل تۇرعىنى بۇرالقى يتتەردىڭ ۇيىنە كىرۋىنە كەدەرگى جاساپ جاتقانى تۋرالى شاعىم تۇسىرگەن. وسىعان بايلانىستى ماماندار يتتەردى ۋاقىتشا ۇيىقتاتۋعا ارنالعان ءدارىنى پايدالانعان. كەيىنىرەك جايىق وزەنىنىڭ جاعاسىنان “ءپىشون” اتتى ءيتتىڭ ولەكسەسى تابىلدى”، — دەدى ول.
اكىمنىڭ ايتۋىنشا، بۇرالقى يتتەردى اۋلاۋ زاڭعا سايكەس جۇرگىزىلەدى. اگرەسسيۆتى يتتەر يەسىز بولعان جاعدايدا ولتىرىلەدى، ال باسقالارى زارارسىزداندىرىلىپ، قايتادان يەسىنە قايتادى دەيدى. ال سوڭعى وقيعاعا بايلانىستى دەرەۋ تەكسەرۋ جۇمىسى ۇيىمداستىرىلعان.
“اتالعان وقيعا بويىنشا ارنايى تەكسەرۋ ءجۇرىپ جاتىر. قورىتىندىسى شىققان سوڭ، قوسىمشا اقپارات بەرىلەدى”، — دەپ قوستى وبلىس اكىمى.
