تاشكەنتتەگى مەترودا پرانك جاساعان قازاقستاندىق بلوگەرگە قاتىستى ءىس قوزعالدى، دەپ حابارلايدى Dalanews.kz.
قوعامدىق ورىندا ادەپسىز ارەكەتتەر جاساپ، ونى الەۋمەتتىك جەلىلەردە تاراتقان قازاقستاندىق بلوگەرگە قاتىستى تەكسەرىس جۇرگىزىلىپ جاتىر.
"ا. ەسىمدى ازاماتشا وزبەكستان مەتروسىندا ءوز ىس-ارەكەتىن بەينەجازباعا ءتۇسىرىپ، جولاۋشىلارعا ادەيى تيىسكەن جانە سول جازبانى جەكە پاراقشالارىندا جاريالاعان. ۇساق بۇزاقىلىق جاساعانى ءۇشىن وعان قاتىستى اكىمشىلىك ءىس قوزعالدى. ءىس شەشىم شىعارۋ ءۇشىن سوتقا جىبەرىلدى. ول بۇعان دەيىن دە وسىنداي ارەكەتتەرگە جول بەرگەن، سول كەزدە ونىمەن پروفيلاكتيكالىق اڭگىمە جۇرگىزىلگەن بولاتىن. الايدا ول ءتيىستى قورىتىندى شىعارماعانى بايقالادى"، - دەدى الماتى پد وكىلى.
ەسكە سالايىق، بۇعان دەيىن بلوگەر قىتايدا دا پرانك جاسايمىن دەپ جۇرتتىڭ نارازىلىعىنا ۇشىراعان ەدى.
