ەلدٸك ماقسات-مۇراتتى جوعارى قويعان ابزال ازاماتتىڭ 20-ناۋرىز كٷنٸ 100 جىلدىق مەرەيتويى سىرعىپ ٶتە شىقتى. ەشەيٸندە ايتۋلى داتالاردى تٸزبەلەپ, توي ٶتكٸزۋدە جوعارىعا ۇسىنىس جاساعىش دەپۋتاتتاردىڭ دا ٷنسٸز قالعانىن تٷسٸنە المادىق. قازاقى تامىردان قول ٷزگەن, ٶتكەنٸنەن بەيحابار اتقارۋشى بيلٸكتەگٸ سايىپقىران مينيسترلەر مەن كوميتەت تٶراعالارىنان مۇنداي ۇسىنىس كٷتپەيمٸز. بٸراق قوس شاتىرلى پارلامەنتتەگٸ دەپۋتاتتاردىڭ بەرٸ بولماسا دا تەڭ جارتىسى جۇمابەك تەشەنوۆتى جاقسى بٸلەتٸنٸنە بەس تٸگەمٸز. ەشەيٸندە توي-تومالاقتا تەشەنوۆ جايىندا ەڭگٸمە قوزعاساڭ اۋىزدىعا سٶز, اياقتىعا جول بەرمەيتٸن اعالارىمىز قالايشا 100 جىلدىقتى ەستەن شىعارىپ الدى?
مەجٸلٸس سپيكەرٸ قابيبوللا جاقىپوۆتىڭ, قۋانىش سۇلتانوۆتىڭ, ورازكٷل اسانعازىنىڭ, ۋەليحان بيشٸمباەۆتىڭ, كامال بۇرحانوۆتىڭ, باقىتجان ەرتاەۆتىڭ, قۇتتىقوجا ىدىرىسوۆتىڭ تەشەنوۆتى جاقسى بٸلەتٸنٸن بٸلەمٸز. بۇل ٷشٸن ول كٸسٸلەرگە سۇراۋ سالىپ جاتۋدىڭ ٶزٸ ۇيات. ال سەناتتا وتىرعان قاسقالارعا تەشەنوۆتىڭ كٸم ەكەنٸن ايتىپ تەپتٸشتەپ جاتۋدىڭ ٶزٸ ارتىق.
بٸلمەگەندەر – بٸلٸپ السىن. ج.تەشەنوۆ رەسپۋبليكانىڭ ساياسي, ەكونوميكالىق, مەدەني دامۋىنا باسشىلىق جاساعان جىلدارى قازاق مەملەكەتٸنٸڭ اۋماق تۇتاستىعىنىڭ ساقتالۋىنا كٶپ ەڭبەك سٸڭٸردٸ. ماڭعىستاۋدى تٷرٸكمەنستانعا قوسۋ جٶنٸندەگٸ ۇسىنىستارعا تويتارىس بەردٸ. تىڭ ٶلكەسٸنە بٸرٸكتٸرٸلگەن سولتٷستٸك وبلىستاردى رەسەيگە, وڭتٷستٸك قازاقستاننىڭ ماقتا ەگەتٸن اۋداندارىن ٶزبەكستانعا بەرۋگە قارسى شىقتى. قازاقستان جەرٸندە يادرولىق جارىلىستار جاساۋعا قارسىلىق بٸلدٸردٸ. شىعارماشىلىق وداقتار ٶكٸلدەرٸنە ٷي-پەتەر بەرگەندٸگٸ ٷشٸن الماتىنىڭ ورتاسىندا «قازاق اۋىلىن» قۇردى دەپ ايىپتالدى. «قازاق ەدەبيەتٸ» گازەتٸن جابۋدان, «سوتسياليستٸك قازاقستان» گازەتٸن «كازپراۆدانىڭ» اۋدارماسى ەتٸپ شىعارىلۋ قاۋپٸنەن قورعاپ قالدى.
قازاق ەلٸ ٷشٸن تاۋ قوپارىپ, تاس جارۋعا دايار تۇراتىن مۇنداي تۇلعانى قالايشا ۇمىتۋعا بولادى? بٸرەۋلەر «مىناداي داعدارىس كەزەڭٸندە توي تويلاۋ نەڭدٸ العان» دەپ كٷلۋٸ مٷمكٸن. يە, قازٸر توي تويلايتىن كەز ەمەس. بٸراق سانالى عۇمىرىن ەلگە قىزمەت ەتۋگە ارناعان ج.تەشەنوۆتەي ازاماتتى ەسكە العان عيبارتتى توي دٷنيەنٸڭ كەز كەلگەن داعدارىسىنا قارسى تۇراتىنداي كٷش بەرەتٸنٸن ۇمىتپاۋىمىز كەرەك. ەگەر ج.تەشەنوۆتىڭ 100 جىلدىق مەرەيتويى اتالىپ ٶتكەندە, ورايى كەلگەندە ەڭگٸمە ايتۋعا دايار تۇراتىن دەپۋتاتتارىمىز جەر-جەردە دٷيٸم جۇرتتىڭ الدىندا اسىل ازاماتتاردىڭ ەرلٸك ٸستەرٸ جايىندا ەت جٷرەگٸ ەزٸلٸپ ەڭگٸمە ايتار ەدٸ عوي. قالاي دەسەك تە, ج.تەشەنوۆتىڭ مەرەيتويى ول مەملەكەتتٸڭ مەرەيٸن ٶسٸرٸپ, ۇلتتى ۇيىستىراتىن ايتۋلى كٷن ەكەنٸ انىق. بارشا قازاق بالاسىنا رۋح سىيلايتىن كٷندٸ قالايشا ۇمىت قالدىردىق اعايىن!
«قالا مەن دالا» گازەتٸ
