بەسەكەلەستٸكتٸ قورعاۋ جەنە دامىتۋ اگەنتتٸگٸ دەرٸلٸك زاتتار مەن مەديتسينالىق بۇيىمداردى ينسپەكتسييالاۋ نارىعىنداعى بەسەكەلەستٸك جاعدايىنا جٷرگٸزٸلگەن تالداۋدىڭ قورىتىندىسىن جارييالادى, دەپ حابارلايدى Dalanews.kz.
تالداۋ نەتيجەسٸندە دەرٸلٸك زاتتار مەن مەديتسينالىق بۇيىمداردى ساراپتاۋ جٶنٸندەگٸ مەملەكەتتٸك ساراپتامالىق ۇيىم – «دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى» شجق رمك (دزجمبسۇو) مونوپولييالىق جاعدايعا يە ەكەنٸ انىقتالدى. بۇل ورتالىق ەلدەگٸ وسىنداي قىزمەتتەردٸ كٶرسەتەتٸن جالعىز ۇيىمى جەنە نارىقتىڭ 100% يە.
تالداۋ بارىسىندا ينسپەكتسييالاۋ قىزمەتتەرٸنە ارنالعان تاريفتەر ورتالىقتىڭ ٶزٸ تاراپىنان دەربەس تٷردە بەكٸتٸلەتٸنٸ بەلگٸلٸ بولدى. بۇل جاعداي تاريفتٸك ساياساتتىڭ وبەكتيۆتٸلٸگٸنە كەسٸپكەرلەر تاراپىنان كٷمەن تۋعىزىپ, باعالاردىڭ نەگٸزسٸز قىمباتتاۋىنا الىپ كەلۋ قاۋپٸن تۋدىرادى.
"مەسەلەن, جٷرگٸزٸلگەن تالداۋ نەتيجەسٸندە بٸر ينسپەكتسييالىق قىزمەت تاريفٸنٸڭ التى ەسەگە ٶسكەنٸ انىقتالدى. بۇل ٶز كەزەگٸندە دەرٸلٸك زاتتار مەن مەديتسينالىق بۇيىمداردىڭ تٷپكٸلٸكتٸ باعاسىنا ەسەر ەتەدٸ. سەبەبٸ ٶندٸرۋشٸلەر مەن جەتكٸزۋشٸلەر بۇل ٸلەسپە شىعىنداردى شەكتٸ باعالارعا ەنگٸزەدٸ, ال بۇل باعالاردى كەيٸن مەملەكەت پەن حالىق تٶلەيدٸ. وسىعان بايلانىستى, دەرٸلٸك زاتتار مەن مەديتسينالىق بۇيىمداردىڭ باعاسىن تٶمەندەتۋ جەنە حالىق ٷشٸن قولجەتٸمدٸ ەتۋ ماقساتىندا, مونوپوليياعا قارسى ورگان ورتالىقتىڭ ٷستەم جاعدايدى تەرٸس پايدالانۋىنا قاتىستى قىزمەتٸنە تەكسەرۋ جٷرگٸزەدٸ", دەلٸنگەن بقدا حابارلاماسىندا.
سونىمەن قاتار, ينسپەكتسييالىق قىزمەتتەردٸ مەملەكەتتٸك مونوپوليياعا جاتقىزۋ مەسەلەسٸ قارالاتىن بولادى. بۇل بولاشاقتا اتالعان قىزمەتتەرگە تاريفتەردٸ رەتتەۋگە مٷمكٸندٸك بەرەدٸ.
