جۋرناليست ميحايل كوزاچكوۆتىڭ مەلٸمەتٸنشە, تارازدا باۋىرجان مومىشۇلى اتىنداعى "جەڭٸس" ساياباعىنا قاتىستى جەر داۋى بٸرنەشە جىلدان بەرٸ شەشٸلمەي كەلەدٸ. كەيٸنگٸ ۋاقىتتا جاعداي ۋشىعىپ, اتتراكتسيونداردىڭ ەلەكتر قۋاتىن اجىراتۋعا پوليتسييا قىزمەتكەرلەرٸ دە تارتىلعان. ونىڭ ايتۋىنشا, مۇنداي ەرەكەتكە نەگٸز بولاتىن سوت شەشٸمٸ جوق, دەپ حابارلايدى dalanews.kz.
كوزاچكوۆتىڭ جازۋىنشا, 2018 جىلى اۋماعى 15 گەكتاردان اساتىن جەر تەلٸمٸ قالانى كٶگالداندىرۋ جەنە اباتتاندىرۋمەن اينالىساتىن "جاسىل-ەل-تاراز" جشس-نٸڭ جارعىلىق كاپيتالىنا بەرٸلگەن. كەيٸن ەكٸمدٸك ساياباقتى دامىتۋ ٷشٸن جەكە ينۆەستور تارتۋعا شەشٸم قابىلداپ, "TANDAMALY" جەكە كەسٸپكەرلٸگٸمەن جەردٸ 15 جىلعا ۋاقىتشا پايدالانۋ تۋرالى كەلٸسٸم جاساعان.
"كەسٸپكەر ساياباقتى دامىتۋعا 180 ميلليون تەڭگەدەن استام قارجى سالىپ, اتتراكتسيوندار ورناتتى", – دەپ جازدى جۋرناليست.
الايدا بٸراز ۋاقىتتان كەيٸن ەكٸمدٸك شەشٸمٸن ٶزگەرتٸپ, جەردٸ قايتادان مەملەكەت مەنشٸگٸنە قايتارعان. سونىڭ سالدارىنان ينۆەستوردىڭ قۇقىقتىق جاعدايى بەلگٸسٸز كٷيدە قالىپ, ول مەملەكەتتٸك ورگاندارمەن حات الماسىپ, مەسەلەنٸ قۇقىقتىق جولمەن شەشۋگە تىرىسقان.
جۋرناليستٸڭ ايتۋىنشا, سول كەزدە-اق قالا پروكۋراتۋراسى ەكٸمدٸككە ۇسىنىس ەنگٸزٸپ, "TANDAMALY" كەسٸپكەرلٸگٸمەن جاسالعان كەلٸسٸمدٸ تەك سوت تەرتٸبٸمەن بۇزۋعا بولاتىنىن كٶرسەتكەن.
"بۇدان بٶلەك, قاداعالاۋ ورگانى وسى جاعدايعا جول بەرگەن مەملەكەتتٸك قىزمەتكەرلەردٸ جاۋاپكەرشٸلٸككە تارتۋدى تالاپ ەتتٸ", – دەيدٸ ميحايل كوزاچكوۆ.
ونىڭ سٶزٸنشە, سول كەزدەگٸ بيزنەس-ومبۋدسمەن رۋستام جٷرسٸنوۆ تە كەسٸپكەردٸڭ قۇقىعىن قورعاپ, وبلىس جەنە قالا ەكٸمدەرٸنە ارنايى حات جولداعان.
"اتتراكتسيونداردىڭ جۇمىسىن توقتاتۋعا ەشقانداي زاڭدى نەگٸز بولعان جوق. سول سەبەپتٸ ولار وسى ۋاقىتقا دەيٸن جۇمىسىن جالعاستىرىپ كەلدٸ", – دەپ جازدى جۋرناليست.
كوزاچكوۆتىڭ مەلٸمەتٸنشە, بيىل عانا "جامبىل ەلەكتر جەلٸلەرٸ" جشس-نٸڭ كٶمەگٸمەن اتتراكتسيونداردىڭ جۇمىسى توقتاتىلعان.
"جالداۋشىعا ەلەكتر قۋاتىن ٶشٸرۋ تۋرالى حابارلاما جٸبەرٸلدٸ. ال كەلٸسٸمشارتقا سەيكەس مۇنداي شارا تەك بەرەشەك بولعان جاعدايدا عانا قولدانىلۋى تيٸس ەدٸ", – دەيدٸ ول.
ونىڭ ايتۋىنشا, كەيٸن ساياباق اۋماعىنان ترانسفورماتور, ودان سوڭ ەلەكتر گەنەراتورى شىعارىلعان.
"تارازدا جۇمىس ٸستەپ تۇرعان كەسٸپورىننىڭ مٷلكٸن پوليتسييا قىزمەتكەرلەرٸن تارتا وتىرىپ الىپ قويۋعا بولا ما?" – دەگەن سۇراق قويادى جۋرناليست.
وسى وقيعادان كەيٸن "TANDAMALY" جەكە كەسٸپكەرلٸگٸ "جامبىل ەلەكتر جەلٸلەرٸ" جشس-نە قارسى سوتقا تالاپ ارىز بەرٸپ, كومپانييانىڭ ەرەكەتٸن زاڭسىز دەپ تانۋدى سۇراعان. سونىمەن بٸرگە كەسٸپكەر باس پروكۋراتۋراعا ارىز جولداپ, ەكٸمدٸك پەن پوليتسييا قىزمەتكەرلەرٸنٸڭ ەرەكەتتەرٸنٸڭ زاڭدىلىعىن تەكسەرۋدٸ تالاپ ەتكەن.
"ەگەر تەكسەرۋ بارىسىندا ولاردىڭ قىزمەتتٸك ٶكٸلەتتٸگٸن اسىرا پايدالانعانى انىقتالسا, نە بولادى?" – دەپ جازدى ميحايل كوزاچكوۆ.
جۋرناليست تاعى بٸر جايتقا نازار اۋدارعان. ونىڭ ايتۋىنشا, ەگەر مەملەكەتتٸك ورگانداردىڭ ماقساتى ساياباقتاعى كوممەرتسييالىق نىسانداردى الىپ تاستاۋ بولسا, وندا نەگە اتتراكتسيونداردىڭ جانىندا جۇمىس ٸستەپ تۇرعان مەيرامحانالارعا قاتىستى ەشقانداي شارا قابىلدانباي وتىرعانى تٷسٸنٸكسٸز.
"تارازدا بۇل قوعامدىق تاماقتانۋ ورىندارىنىڭ قالا ەكٸمٸ باقىتجان ورىنبەكوۆتٸڭ تۋىستارىنا تيەسٸلٸ ەكەنٸن كٶپشٸلٸك جاقسى بٸلەدٸ. ەلدە بالالار اتتراكتسيوندارىنىڭ شۋى سولاردىڭ تىنىشتىعىنا كەدەرگٸ كەلتٸرٸپ جٷر مە?" – دەپ تٷيٸندەيدٸ جۋرناليست.
ايتا كەتەيٸك, بۇل مەلٸمەتتەر ميحايل كوزاچكوۆتىڭ Telegram-ارناسىندا جارييالانعان. قازٸرگٸ ۋاقىتتا ەكٸمدٸك پەن قۇقىق قورعاۋ ورگاندارى اتالعان جاعدايعا قاتىستى رەسمي تٷسٸنٸكتەمە بەرگەن جوق.
