تارازدا قىزعانىشتان ەيەلٸن تۇنشىقتىرىپ ٶلتٸرگەن ەر ادام 13 جىلعا سوتتالدى, دەپ حابارلايدى dalanews.kz.
ٶتكەن جىلى تاراز قالاسىنداعى پەتەرلەردٸڭ بٸرٸندە قىزعانىش سالدارىنان قايعىلى وقيعا بولدى. ەيەلدٸڭ كٶڭٸلدەسٸ ونى تۇنشىقتىرىپ ٶلتٸرٸپ, كەيٸن ۇيالى تەلەفونىن الىپ كەتكەن.
ٸس ماتەريالدارىنا سەيكەس, وقيعا كٷنٸ ەر ادام سٷيٸكتٸسٸ جەنە ونىڭ تانىسىمەن بٸرگە سپيرتتٸك ٸشٸمدٸك ٸشكەن. قوناق كەتكەننەن كەيٸن ەر مەن ەيەل پەتەردە وڭاشا قالعان.
ەكەۋٸ جاقىن قارىم-قاتىناستا بولعان سەتتە ەيەلدٸڭ تەلەفونىنا بەلگٸسٸز ادام قوڭىراۋ شالعان. ەيەل قوڭىراۋ شالعان ادامنىڭ كٷيەۋٸ ەكەنٸن ايتقان. مۇنى ەستٸگەن كٶڭٸلدەسٸ قىزعانىشقا بوي الدىرىپ, اشۋعا مٸنٸپ, ەيەلدٸ موينىنان قىلقىندىرا باستاعان. سالدارىنان ەيەل وقيعا ورنىندا كٶز جۇمعان.
وقيعادان كەيٸن ەر ادام مارقۇمنىڭ قۇنى 15 مىڭ تەڭگە تۇراتىن ۇيالى تەلەفونىن الىپ, پەتەردەن كەتٸپ قالعان. ول كەشكە دەيٸن قالا كٶشەلەرٸندە سەندەلٸپ جٷرگەن. كەيٸن ساياباقتاردىڭ بٸرٸندە پوليتسييا قىزمەتكەرلەرٸنە ٶزٸ بارىپ, ادام ٶلتٸرگەن بولۋى مٷمكٸن ەكەنٸن ايتقان. كٶرسەتٸلگەن مەكەنجايعا بارعان پوليتسەيلەر پەتەردەن ەيەلدٸڭ مەيٸتٸن تاپقان.
كەيٸن سوت ەر ادامدى ادام ٶلتٸرۋ جەنە ۇرلىق جاساۋ باپتارى بويىنشا كٸنەلٸ دەپ تانىدى. قىلمىستىق قۇقىق بۇزۋشىلىقتاردىڭ جيىنتىعى بويىنشا وعان قاۋٸپسٸزدٸگٸ بارىنشا جوعارى قىلمىستىق-اتقارۋ جٷيەسٸ مەكەمەسٸندە ٶتەۋمەن 13 جىل باس بوستاندىعىنان ايىرۋ جازاسى تاعايىندالدى.
سوت ونىڭ ەرەكەتٸنەن قاۋٸپتٸ رەتسيديۆ بەلگٸلەرٸن دە تانىدى. وسىعان بايلانىستى سوتتالۋشىعا پسيحواكتيۆتٸ زاتتاردى قولدانۋعا بايلانىستى تۋىنداعان بۇزىلىستار بويىنشا مەجبٷرلٸ ەم قابىلداۋ مٸندەتتەلدٸ.
