2025 جىلدىڭ 13 مامىرى كٷنٸ ساعات 18:00 شاماسىندا تاراز قالاسىندا الماتى وبلىسى ٸلە اۋداندىق مەسليحاتىنىڭ دەپۋتاتى, زاڭگەر نۇرلان بايعازيەۆ اۋىر سوققىعا جىعىلدى, دەپ حابارلايدى Dalanews.kz.
Taraznews.kz مەلٸمەتٸنشە, وقيعا تارازداعى “عيبرات” اتتى دەمحانادا ورىن العان. دەپۋتات سول جەردە كليەنتتەرٸمەن كەزدەسۋ ٶتكٸزٸپ جاتقاندا, بەلگٸسٸز بٸرەۋ وعان تۇتقيىلدان شابۋىل جاساپ, تەمٸر زاتقا ۇقساس قۇرالمەن بٸرنەشە رەت ۇرعان. الدىن الا مەلٸمەت بويىنشا, نۇرلان بايعازيەۆ باس سٷيەگٸنە زاقىم الىپ, ميى شايقالعان. قازٸرگٸ ۋاقىتتا ول اۋرۋحانادا جاتىر, دەرٸگەرلەر ونى شۇعىل وتاعا دايىنداۋدا.
قاسكٶيلەردٸڭ كٸم ەكەنٸ ەزٸرگە انىقتالماعان. پوليتسييا مەن مەديتسينا قىزمەتكەرلەرٸ بۇل وقيعاعا قاتىستى ەزٸرگە تٷسٸنٸكتەمە بەرگەن جوق.
ايتا كەتەيٸك, بۇل شابۋىل بايعازيەۆتٸڭ اتىشۋلى وقيعادان كەيٸنگٸ ەكٸ اپتا ٸشٸندە ورىن الىپ وتىر. 28 سەۋٸردە ول كەمەلەتكە تولماعان 17 جاستاعى قىزدى توقتاتىپ, قىزمەتتٸك كٶلٸگٸنە وتىرعىزباق بولعان يۋۆەنالدى پوليتسييا قىزمەتكەرلەرٸنٸڭ ەرەكەتٸن ۆيدەوعا تٷسٸرٸپ العان. بايعازيەۆ ولاردىڭ زاڭعا قايشى ەرەكەتٸن ەشكەرەلەگەن. بەينەجازبا ەلەۋمەتتٸك جەلٸلەردە كەڭٸنەن تاراپ, قوعامدا ٷلكەن رەزونانس تۋدىردى. ارتىنشا قىزمەتتٸك تەكسەرٸس نەتيجەسٸندە ەلگٸ پوليتسەيلەر قىزمەتٸنەن بوساتىلعان ەدٸ.
بۇل وقيعا – جۇرت الدىندا ەدٸلەتسٸزدٸكپەن كٷرەسٸپ جٷرگەن ازاماتقا قارسى جاسالعان ەسكەرتۋ ٸسپەتتەس.
