تاراز قالاسىنىڭ بۇرىنعى ەكٸمدٸك قىزمەتكەرلەرٸ مەملەكەت مٷلكٸن جىمقىردى دەگەن ايىپپەن سوت الدىندا جاۋاپ بەرۋدە, دەپ حابارلايدى Dalanews.kz.
Orda.kz مەلٸمەتٸنشە, ايىپتالۋشىلار قاتارىندا قارجى بٶلٸمٸنٸڭ بۇرىنعى باسشىسى جەڭٸس پارىمبەكوۆ (سوڭعى ۋاقىتتا تاراز اۋماقتىق سايلاۋ كوميسسيياسىنىڭ تٶراعاسى بولعان), شەنەۋنٸكتەر مولداجان ابساتوۆ پەن جەنٸبەك قۋانىشەۆ, سونداي-اق تكش بٶلٸمٸنٸڭ ەكس-باسشىسىنىڭ ورىنباسارى, بۇعان دەيٸن پاراقورلىق ٷشٸن سوتتالعان مەقسات نۇرجانوۆ بار.
تەرگەۋ دەرەكتەرٸنە سٷيەنسەك, ايىپتالۋشىلار تەركٸلەنگەن مٷلٸكتٸ ەسەپكە الماۋ مٷمكٸندٸگٸن پايدالانىپ, كوممەرتسييالىق جىلجىمايتىن مٷلٸك نىساندارى مەن تۇتىنۋ تاۋارلارىن زاڭسىز يەمدەنگەن. بۇل اكتيۆتەر سوت شەشٸمٸنەن كەيٸن ەكٸمدٸككە تاپسىرىلعان بولاتىن. زالالدىڭ جالپى كٶلەمٸ 100 ميلليون تەڭگەدەن استى.
پارىمبەكوۆكە, نۇرجانوۆقا جەنە ابساتوۆقا اسا ٸرٸ كٶلەمدەگٸ الاياقتىق پەن مٷلٸكتٸ جىمقىرۋ (قر قك 190 جەنە 189-باپتارى) بويىنشا ايىپ تاعىلۋدا. ال جەنٸبەك قۋانىشەۆ اتالعان قىلمىستارعا سىبايلاس بولدى دەپ ايىپتالىپ وتىر.
بارلىق كٷدٸكتٸلەر قاماۋدا.
ەسكە سالايىق, 2023 جىلدىڭ كٷزٸندە تاراز ەكٸمدٸگٸنٸڭ قىزمەتكەرلەرٸ مەملەكەت جەرٸن زاڭسىز پايدالانعانى ٷشٸن سوتتالعان ەدٸ.
