Taraz qalasynyń burynǵy ákimdik qyzmetkerleri memleket múlkin jymqyrdy degen aiyppen sot aldynda jaýap berýde, dep habarlaidy Dalanews.kz.
Orda.kz málimetinshe, aiyptalýshylar qatarynda qarjy bóliminiń burynǵy basshysy Jeńis Parymbekov (sońǵy ýaqytta Taraz aýmaqtyq sailaý komissiiasynyń tóraǵasy bolǵan), sheneýnikter Moldajan Absatov pen Jánibek Qýanyshev, sondai-aq TKSh bóliminiń eks-basshysynyń orynbasary, buǵan deiin paraqorlyq úshin sottalǵan Máqsat Nurjanov bar.
Tergeý derekterine súiensek, aiyptalýshylar tárkilengen múlikti esepke almaý múmkindigin paidalanyp, kommertsiialyq jyljymaityn múlik nysandary men tutyný taýarlaryn zańsyz iemdengen. Bul aktivter sot sheshiminen keiin ákimdikke tapsyrylǵan bolatyn. Zalaldyń jalpy kólemi 100 million teńgeden asty.
Parymbekovke, Nurjanovqa jáne Absatovqa asa iri kólemdegi alaiaqtyq pen múlikti jymqyrý (QR QK 190 jáne 189-baptary) boiynsha aiyp taǵylýda. Al Jánibek Qýanyshev atalǵan qylmystarǵa sybailas boldy dep aiyptalyp otyr.
Barlyq kúdiktiler qamaýda.
Eske salaiyq, 2023 jyldyń kúzinde Taraz ákimdiginiń qyzmetkerleri memleket jerin zańsyz paidalanǵany úshin sottalǵan edi.
