تارازدا مەكتەپ قابىرعاسىندا سوققىعا جىعىلىپ, بٸر كٶزٸنەن ايىرىلعان جاسٶسپٸرٸمنٸڭ اتا-اناسى ٸستٸڭ ەدٸل ەرٸ جان-جاقتى تەرگەلۋٸن تالاپ ەتٸپ وتىر. وتباسى جانجالعا قاتىسقان بارلىق ادامنىڭ ەرەكەتٸنە قۇقىقتىق باعا بەرٸلۋٸ كەرەك دەپ سانايدى, دەپ dalanews.kz تٸلشٸسٸ "ۆرەميا" باسىلىمىنا سٸلتەمە جاساپ حابارلايدى.
وقيعا بيىل 14 سەۋٸردە تاراز قالاسىنداعى اباي اتىنداعى مامانداندىرىلعان مەكتەپ-گيمنازيياسىندا بولعان.
جاسٶسپٸرٸمنٸڭ اناسى زۋحرا كەرٸموۆانىڭ ايتۋىنشا, بٸرنەشە وقۋشى ونىڭ ۇلىن "سٶيلەسەمٸز" دەگەن سىلتاۋمەن كيٸم اۋىستىراتىن بٶلمەگە شاقىرعان. بٶلمەدە ونى بٸرنەشە جاسٶسپٸرٸم كٷتٸپ تۇرعان.
"شابۋىلعا ٷشتەن بەسكە دەيٸن جاسٶسپٸرٸم قاتىستى. الدىمەن داميردٸڭ كٶزٸنە تەمٸر زاتپەن سوققى جاساپ, كەيٸن بٸرنەشەۋٸ جابىلىپ ۇردى. بالام جەرگە قۇلاپ, قارسىلاسۋعا شاماسى قالماسا دا, سوققىنى توقتاتپاعان", – دەدٸ اناسى.
جاسٶسپٸرٸمگە ٷش رەت وتا جاسالعان
وتباسىنىڭ مەلٸمەتٸنشە, شابۋىل جاساعاندار زارداپ شەككەن وقۋشىعا كٶمەك كٶرسەتپەي, بٶلمەدە جالعىز قالدىرىپ كەتكەن. العان جاراقاتىنىڭ سالدارىنان دامير سول كٶزٸنەن تولىق ايىرىلعان. وسى ۋاقىتقا دەيٸن وعان ٷش رەت وپەراتسييا جاسالعان.
جاسٶسپٸرٸمنٸڭ اناسى ٸستٸڭ باستاپقىدا قىلمىستىڭ اۋىرلىعىنا سەيكەس كەلمەيتٸن باپپەن تٸركەلگەنٸن ايتادى. قالا پروكۋراتۋراسىنا جٷگٸنگەننەن كەيٸن ٸس قىلمىستىق كودەكستٸڭ 106-بابىنىڭ 2-بٶلٸگٸ – دەنساۋلىققا قاساقانا اۋىر زييان كەلتٸرۋ بابى بويىنشا قايتا سارالانعان.
الايدا جەبٸرلەنۋشٸ تاراپ تەرگەۋ ەلٸ دە تولىق جٷرگٸزٸلمەدٸ دەپ ەسەپتەيدٸ.
"بالامنىڭ جاۋابى مەن باسقا دا دەلەلدەرگە قاراماستان, وقيعا ادامدار توبى جاساعان قىلمىس رەتٸندە قاراستىرىلماي وتىر. دەرٸگەرلەر كٶزگە تەمٸر زاتپەن سوققى جاسالۋى مٷمكٸن دەگەن قورىتىندى بەرگەنٸمەن, وعان دا تيٸستٸ قۇقىقتىق باعا بەرٸلگەن جوق. ماتەريالدىق جەنە مورالدىق شىعىندى ٶندٸرۋ تۋرالى تالاپ قويدىق, بٸراق كٷدٸكتٸلەر ەلٸ ازاماتتىق جاۋاپكەر رەتٸندە تانىلمادى", – دەيدٸ وتباسى مٷشەلەرٸ.
كٷدٸكتٸ ٷيقاماققا الىنعان
جامبىل وبلىسىنىڭ پروكۋراتۋراسى دەنساۋلىققا اۋىر زييان كەلتٸرۋ دەرەگٸ بويىنشا نەگٸزگٸ تەرگەۋ اياقتالعانىن حابارلادى.
كٷدٸكتٸ ۇستالىپ, كەيٸن مامانداندىرىلعان تەرگەۋ سوتىنىڭ شەشٸمٸمەن ەكٸ ايعا ٷيقاماققا الىنعان. ساراپتامالار جٷرگٸزٸلٸپ, كۋەلاردان جاۋاپ الىنعاننان كەيٸن ونىڭ ەرەكەتٸ قىلمىستىق كودەكستٸڭ 106-بابىنىڭ 2-بٶلٸگٸ بويىنشا تٷپكٸلٸكتٸ سارالانعان.
قازٸر قىلمىستىق ٸس تاراز قالاسىنىڭ پروكۋراتۋراسىنا جولدانعان. ماتەريالدار زەردەلەنگەن سوڭ سوڭعى پروتسەسسۋالدىق شەشٸم قابىلدانادى. سونىمەن قاتار پروكۋراتۋرا جەبٸرلەنۋشٸنٸ ٶزگە وقۋشىلاردىڭ دا ۇرۋى مٷمكٸن دەگەن دەرەك بويىنشا جەكە قىلمىستىق ٸس قوزعالعانىن راستادى. ول قىلمىستىق كودەكستٸڭ 293-بابىنىڭ 2-بٶلٸگٸ – الدىن الا سٶز بايلاسقان ادامدار توبى جاساعان بۇزاقىلىق بويىنشا تەرگەلٸپ جاتىر.
تەرگەۋ مٷددەسٸنە بايلانىستى ٸستٸڭ ٶزگە مەن-جايلارى جارييالانبايدى.
مەكتەپ باسشىلىعىنا تەرتٸپتٸك جازا قولدانىلدى
وقيعادان كەيٸن مەكتەپتە وقۋ-اعارتۋ مينيسترلٸگٸنٸڭ تەكسەرۋٸ جٷرگٸزٸلگەن.
جامبىل وبلىسى بٸلٸم باسقارماسىنىڭ مەلٸمەتٸنشە, قىزمەتتٸك مٸندەتتەرٸن تيٸسٸنشە ورىنداماعانى ٷشٸن مەكتەپ ديرەكتورى ينديرا نۇراليەۆاعا قاتاڭ سٶگٸس جارييالانعان. قۇقىقتىق مەسەلەلەر جٶنٸندەگٸ ديرەكتور ورىنباسارى دا قاتاڭ سٶگٸس الىپ, قىزمەتٸنەن بوساتىلعان.
مەكتەپ پسيحولوگىنا, سىنىپ جەتەكشٸسٸنە, دەنە شىنىقتىرۋ پەنٸنٸڭ مۇعالٸمٸنە, ەلەۋمەتتٸك پەداگوگ پەن اعا تەلٸمگەرگە دە تەرتٸپتٸك جازا قولدانىلعان.
بٸلٸم باسقارماسىنىڭ باسشىسى نۇربەك ورشىبەكوۆ مەكتەپتە بۋللينگتٸڭ الدىن الۋعا باعىتتالعان كەشەندٸ جۇمىستار جٷرگٸزٸلگەنٸن ايتتى. "بۋللينگسٸز بولاشاق" ترەنينگٸنە 97 وقۋشى قاتىسىپ, 270 اتا-انامەن كەزدەسۋ ٶتكٸزٸلگەن. سونداي-اق وقۋشىلار اراسىندا ساۋالناما جٷرگٸزٸلٸپ, جەكە جەنە توپتىق كەڭەستەر ۇيىمداستىرىلعان.
وتباسى بالانى شەتەلدە ەمدەتۋدٸ جوسپارلاپ وتىر
دامير الماتىداعى قازاق كٶز اۋرۋلارى عىلىمي-زەرتتەۋ ينستيتۋتىنىڭ باقىلاۋىندا بولعان. الايدا اناسىنىڭ سٶزٸنشە, قازاقستاندىق دەرٸگەرلەر ەندٸ كٶمەكتەسۋ مٷمكٸندٸگٸ جوق ەكەنٸن ايتقان.
وتباسى كورەيا مەن تٷركيياداعى كلينيكالارعا ٶتٸنٸش جولداپ, جاۋاپ العان. قازٸر شەتەلدەگٸ ەمگە قاجەتتٸ قاراجات مەسەلەسٸن شەشٸپ جاتىر.
"وسى ۋاقىتقا دەيٸن دە كٶپ شىعىن شىقتى. ەندٸ قاراجات جيناۋعا تۋرا كەلۋٸ مٷمكٸن", – دەدٸ زۋحرا كەرٸموۆا.
