تارازدا وقۋشىلاردى ليسەنزياسىز وقىتقان ليسەي اكىمشىلىك جاۋاپكەرشىلىككە تارتىلدى، دەپ حابارلايدى Dala news.
سوت مالىمەتىنشە، ءىس تاراز قالاسىنىڭ مامانداندىرىلعان اكىمشىلىك قۇقىقبۇزۋشىلىقتار جونىندەگى سوتىندا قارالعان. ليسەي دارىندى بالالارعا ارنالعان ءبىلىم بەرۋ ۇيىمى بولا تۇرا، جاڭا عيماراتقا كوشكەننەن كەيىن ءبىلىم بەرۋ قىزمەتىنە ارنالعان ليسەنزيانى نەمەسە وعان قوسىمشانى راسىمدەمەگەن.
الايدا سوعان قاراماستان، 2025 جىلدىڭ قاراشا ايىنان باستاپ جاڭا عيماراتتا وقۋ پروسەسى باستالعان.
تەكسەرۋ بارىسىندا ليسەنزياعا قوسىمشا قۇجاتسىز 7–11 سىنىپتاردىڭ 318 وقۋشىسى (16 سىنىپ) ءبىلىم العانى انىقتالعان.
سوت وتىرىسىندا ليسەي ديرەكتورى اكىمشىلىك حاتتامادا كورسەتىلگەن ءمان-جايلاردى راستادى جانە كىناسىن مويىندادى.
اكىمشىلىك قۇقىقبۇزۋشىلىق تۋرالى كودەكستىڭ 463-بابىنىڭ 1-بولىگىنە سايكەس، ليسەي كىنالى دەپ تانىلىپ، وعان 25 ايلىق ەسەپتىك كورسەتكىش (108 125 تەڭگە) كولەمىندە ايىپپۇل سالىندى.
سوت قاۋلىسى زاڭدى كۇشىنە ەندى.
