Tarazda oqýshylardy lısenzıasyz oqytqan lıseı ákimshilik jaýapkershilikke tartyldy, dep habarlaıdy Dala news.
Sot málimetinshe, is Taraz qalasynyń mamandandyrylǵan ákimshilik quqyqbuzýshylyqtar jónindegi sotynda qaralǵan. Lıseı daryndy balalarǵa arnalǵan bilim berý uıymy bola tura, jańa ǵımaratqa kóshkennen keıin bilim berý qyzmetine arnalǵan lısenzıany nemese oǵan qosymshany rásimdemegen.
Alaıda soǵan qaramastan, 2025 jyldyń qarasha aıynan bastap jańa ǵımaratta oqý prosesi bastalǵan.
Tekserý barysynda lısenzıaǵa qosymsha qujatsyz 7–11 synyptardyń 318 oqýshysy (16 synyp) bilim alǵany anyqtalǵan.
Sot otyrysynda lıseı dırektory ákimshilik hattamada kórsetilgen mán-jaılardy rastady jáne kinásin moıyndady.
Ákimshilik quqyqbuzýshylyq týraly kodekstiń 463-babynyń 1-bóligine sáıkes, lıseı kináli dep tanylyp, oǵan 25 aılyq eseptik kórsetkish (108 125 teńge) kóleminde aıyppul salyndy.
Sot qaýlysy zańdy kúshine endi.
