تارازداعى وبلىستىق پەريناتالدىق ورتالىقتا كەسار تٸلٸگٸ ارقىلى بوسانعان 37 جاستاعى ەيەل كٶز جۇمدى. مارقۇمنىڭ تۋىستارى ونىڭ ٶلٸمٸنە مەديتسينا قىزمەتكەرلەرٸنٸڭ سالعىرتتىعى سەبەپ بولۋى مٷمكٸن دەپ وتىر, دەپ حابارلايدى dalanews.kz.
كتك تەلەارناسىنىڭ حابارلاۋىنشا, ەيەل وتادان كەيٸن ەكٸ كٷن ٶتكەن سوڭ قىزۋى كٶتەرٸلٸپ, جاعدايى كٷرت ناشارلاعان. كەيٸن ونىڭ قانعا تٷسكەن قاۋٸپتٸ ينفەكتسييادان زارداپ شەككەنٸ ايتىلعان. ون كٷننەن استام ۋاقىت جانساقتاۋ بٶلٸمٸندە جاتقان كەلٸنشەكتٸ دەرٸگەرلەر امان الىپ قالا الماعان.
مارقۇمنىڭ جاقىندارىنىڭ سٶزٸنشە, ول پەرزەنتحاناعا دەنٸ ساۋ كٷيٸندە ٶز اياعىمەن بارعان. ولار دەرٸگەرلەر وتا جاساۋ ٷشٸن اقشا تالاپ ەتتٸ دەپ تە ايىپتاپ وتىر.
تۋىستارى ەيەلدٸڭ سٶيلەي الماي قالعان كەزدە كٷيەۋٸنە جازىپ قالدىرعان حاتىن جارييالادى.
"مەنٸ بۇل جەردەن تەزٸرەك باسقا جاققا الىپ كەتشٸ. ٷش كٷننەن بەرٸ سۋسىز جاتىرمىن. الىپ كەتشٸ, ٶلەتٸن بولدىم", – دەپ جازعان ول.
وتباسىنىڭ ايتۋىنشا, ەيەلدٸ پەرزەنتحاناعا الدىن الا اپارعاندا دەرٸگەرلەر ونىڭ ٶزدٸگٸنەن بوسانا الاتىنىن ايتىپ, ٷيٸنە قايتارعان. كەيٸن جٷكتٸلٸك مەرزٸمٸ 40 اپتادان اسقاندا بالانىڭ سالماعى ٷلكەن دەگەن سەبەپپەن كەسار تٸلٸگٸنە جٸبەرٸلگەن.
مارقۇمنىڭ كٷيەۋٸ ەلدوس ەسەەۆ ەيەلٸنٸڭ بۇعان دەيٸن تٶرت بالاسىن ٶزدٸگٸنەن بوسانعانىن ايتتى.
"ونى ٶز كٶلٸگٸممەن, دەنٸ ساۋ كٷيٸندە الىپ كەلدٸم. بۇعان دەيٸن تٶرت بالاسىن وسى پەرزەنتحانادا ٶزٸ بوسانعان. بەسٸنشٸسٸندە كەسار تٸلٸگٸن جاساپ, وسىنداي جاعدايعا تٷستٸ", – دەدٸ ول.
جاقىندارى ينفەكتسييا ەيەلگە پەرزەنتحانادا جۇققان بولۋى مٷمكٸن دەپ كٷمەن كەلتٸرەدٸ. ولاردىڭ ايتۋىنشا, دٷنيەگە كەلگەن سەبيدٸڭ دەنساۋلىعى جاقسى.
جامبىل وبلىسىنىڭ دەنساۋلىق ساقتاۋ باسقارماسى انا ٶلٸمٸنە بايلانىستى ارنايى جۇمىس توبى قۇرىلعانىن حابارلادى. سونداي-اق مەديتسينالىق جەنە فارماتسەۆتيكالىق باقىلاۋ كوميتەتٸ تەكسەرۋ جٷرگٸزبەك.
"انا ٶلٸمٸنٸڭ ناقتى سەبەبٸ سوت-مەديتسينالىق ساراپتاما قورىتىندىسىنان كەيٸن بەلگٸلٸ بولادى", – دەدٸ باسقارما ٶكٸلٸ ايجان تەرلٸكباەۆا.
مارقۇمنىڭ ارتىندا بەس بالاسى قالدى. بۇل – بيىل وبلىستىق پەريناتالدىق ورتالىقتا تٸركەلگەن ەكٸنشٸ انا ٶلٸمٸ.
