تارازدا 29 جاستاعى دۋمان ەسٸمدٸ ازامات اۋىر سوققىدان كەيٸن اۋرۋحانادا قايتىس بولدى. مارقۇمنىڭ ەپكەسٸ قايعىلى وقيعانىڭ قالاي بولعانىن باياندادى, دەپ حابارلايدى dalanews.kz.
Qumash دەرەككٶزٸنٸڭ مەلٸمەتٸنشە, دۋمان اۋرۋحانادا جۇمىس ٸستەگەن. بٸر كٷنٸ ەمدەلۋشٸلەرٸنٸڭ بٸرٸنٸڭ بۇرىنعى كٷيەۋٸ وعان قايتا-قايتا تەلەفون سوعىپ, بالاعاتتاپ, كەزدەسۋگە شاقىرعان.
"مارقۇمنىڭ تۋىستارى كەزدەسۋگە ٷش جٸگٸت كەلگەنٸن ايتادى. ولار دۋماندى باسىنان ۇرىپ, كٶلٸكتٸڭ جٷكسالعىشىنا كٷشتەپ سالعان. كەيٸن اسا ٶزەنٸنٸڭ ماڭىنا اپارىپ, قاتتى سوققىعا جىققان دەگەن بولجام بار", - دەيدٸ دەرەككٶز.
وسىدان كەيٸن ەس-تٷسسٸز جاتقان دۋماندى ٶزٸنٸڭ كٶلٸگٸنە سالىپ, اۋرۋحاناعا جەتكٸزگەن. تۋىستارىنىڭ سٶزٸنشە, كٷدٸكتٸلەر دەرٸگەرلەرگە ونى كٶشەدەن تاۋىپ العاندارىن ايتقان. الايدا دۋمان ەسٸن جيماستان كٶز جۇمدى.
مارقۇمنىڭ ەپكەسٸ پوليتسييا باستاپقىدا ٷش ادامدى ۇستاعانىن, بٸراق كەيٸن ولاردىڭ ەكەۋٸ بوساتىلعانىن مەلٸمدەدٸ. سونداي-اق نەگٸزگٸ كٷدٸكتٸ بۇرىنعى ەيەلٸنە, ياعني دۋماننىڭ ەمدەلۋشٸسٸنە بٸرنەشە رەت قول كٶتەرگەنٸن ايتتى.
تۋىستارى دۋمان مەن ەلگٸ ەيەلدٸڭ اراسىندا جۇمىستان تىس ەشقانداي قارىم-قاتىناس بولماعانىن جەتكٸزدٸ. ولاردىڭ ايتۋىنشا, تەلەفونداعى حات الماسۋلار دا وسىنى راستايدى.
دۋمان ەكٸ كٷننەن كەيٸن 30 جاسقا تولار ەدٸ. ونىڭ ارتىندا كٸشكەنتاي ەكٸ قىزى قالدى. مارقۇمنىڭ وتباسى وقيعاعا قاتىسى بار ادامداردىڭ بارلىعىن انىقتاپ, زاڭ الدىندا جاۋاپقا تارتۋدى تالاپ ەتٸپ وتىر.
