وڭىردە الداعى 5 جىلدا 2،3 مىڭ شاقىرىم جول سالىنىپ، جوندەۋدەن وتەدى. وبلىستىڭ الەۋمەتتىك-ەكونوميكالىق دامۋىنىڭ 2021-2025 جىلدارعا ارنالعان كەشەندى جوسپارى اياسىندا وڭتۇستىك-باتىس اينالما جولى، سارىاعاش قالاسىن اينالما جولى، تۇركىستاننىڭ شىعىس اينالما جولى، سونداي-اق تۇركىستان-شىمكەنت-تاشكەنت جۇردەك تەمىرجول ماگيسترالى سالىنادى.
تۇركىستان وبلىسىندا جىل سوڭىنا دەيىن جاقسى جانە قاناعاتتى جاعدايداعى وبلىستىق جانە اۋداندىق ماڭىزى بار اۆتوموبيل جولدارىنىڭ ۇلەسىن 79%-دان 81،4%-عا ارتتىرۋ كوزدەلۋدە. بۇل كورسەتكىشتى 2025 جىلعا دەيىن 90%-عا ارتتىرۋ جوسپارلانعان. بيىل اۆتوموبيل جولدارىن جوندەۋگە بولىنگەن قاراجاتتىڭ باسىم بولىگى جەرگىلىكتى ماڭىزى بار جولدارعا باعىتتالادى. قۇرىلىس-جوندەۋ جۇمىستارىمەن جالپى 300-دەن استام نىسان، نە 1200 شاقىرىمعا جۋىق جولدار مەن كوشەلەر قامتىلعان. جىل سوڭىنا دەيىن 700 شق. جول پايدانالۋعا بەرىلەدى.
ماقتاارال، جەتىساي، كەلەس اۋداندارى اۋماعىندا ۇزىندىعى 478 شق. جولدار كۇردەلى جانە ورتاشا جوندەۋدەن وتكىزىلۋدە. ودان بولەك، وسى اۋدانداردا وبلىس اكىمىنىڭ تاپسىرماسىمەن جالپى ۇزىندىعى 180 شق. اساتىن
11 وبلىستىق ماڭىزى بار اۆتوموبيل جولدارى جوندەۋدەن وتكىزىلۋدە. بۇل جولداردى قىركۇيەك ايىندا تولىقتاي پايدالانۋعا بەرۋ جوسپارلانۋدا. جولدار قازىعۇرت، تۇلكىباس، سوزاق، بايدىبەك اۋداندارى مەن ارىس قالاسىندا دا جۇرگىزىلىپ جاتىر.
بيىل تۇركىستان-بالتاكول، كەنتاۋ-اششىساي، شىمكەنت-قارامۇرت، اقسۋكەنت-قارامۇرت، شىمكەنت-سايرام، شاراپحانا-جاڭابازار باعىتتارىنداعى جولداردى پايدالانۋعا بەرۋ جانە ماقتاارال، جەتىساي، كەلەس اۋداندارىنداعى وبلىستىق ماڭىزى بار اۆتوموبيل جولدارىن جوندەۋ جۇمىستارى اياقتالادى.
تۇركىستان - بالتاكول، تۇركىستان-قارناق-كەنتاۋ باعىتتارىندا 80 شق. اۆتوموبيل جولدارى كۇردەلى جانە ورتاشا جوندەۋدەن وتكىزىلىپ، جىل سوڭىنا دەيىن پايدالانۋعا بەرىلەدى. سونىمەن قاتار، تۇركىستان-قارناق-كەنتاۋ، كەنتاۋ-اششىساي باعىتتارىنداعى 53،7 شق. جولداردى ورتاشا جوندەۋگە ءتيىستى قارجى قارالدى. شاردارا-ارىس باعىتىنداعى جالپى ۇزىندىعى 41 شق جولدىڭ كۇردەلى جوندەۋ جۇمىستارى تامىز ايىندا تولىعىمەن اياقتالاتىن بولادى. اقسۋكەنت-قارامۇرت، شىمكەنت-سايرام، شىمكەنت-كوكسايەك باعىتتارىنداعى 50 شق. كۇرە جولدار قايتا قۇرۋ، كۇردەلى جانە ورتاشا جوندەۋدەن وتكىزىلۋدە. جاڭارعان جولدار قىركۇيەك ايىنا دەيىن اشىلادى.
وتىرار اۋدانىنىڭ شاۋىلدىر-كوكساراي-بايىرقۇم جانە وتىرار قالاشىعى باعىتتارىندا 42 شق. جولدى ورتاشا جوندەۋگە ءتيىستى قارجى قارالدى، نىساندار كەلەسى جىلعا وتپەلى. ورداباسى اۋدانىنىڭ تەمىرلان-قىزىلسەڭگىر، قاينار-ۇيالىجار، بادام-شۇبار باعىتتارىنداعى 68،4 شق قۇرايتىن جولدارعا ورتاشا جوندەۋ جۇمىستارى باستالاتىن بولادى. نىساندار كەلەسى جىلعا وتپەلى.
