الدىڭعى جولى ايتقام, سۇراقتار بولسا جاۋاپ بەرەمٸن دەپ, سولارعا قىسقاشا جاۋاپ بەرەيٸن;
1. نەگە ٸس ورىس تٸلٸندە, ينتەرۆيۋ قازاقشا عوي?
- ينتەرۆيۋ قازاق تٸلٸندە بولعاندىعى سەبەپتٸ, مەندە شاعىمدى قازاق تٸلٸندە بەرگەم, بٸراق قر ەقبتك-نىڭ 744 بابى, 1 بٶلٸگٸنە سەيكەس, قۇقىق بۇزۋشى قاي تٸلدە جاۋاپ بەرسە, ٸس سول تٸلدە جٷرەدٸ. ابيلوۆ ٶزٸنە ىڭعايلى ورىس تٸلٸن تاڭدادى.
2. ابيلوۆ پرەزيدەنتٸككە كانديدات رەتٸندە تٷسسە, بۇل ٸس وعان كەدەرگٸ بولماي ما?
- جوق, قولدانىستاعى كونستيتۋتسييانىڭ 41 بابى, «سايلاۋ تۋرالى» كونستيتۋتسييالىق زاڭنىڭ 4 بابىندا ونداي شەكتەۋلەر قاراستىرىلماعان.
3. بۇل بولاشاقتا سٶز بوستاندىعىنا شەكتەۋ قويۋعا ەكەپ سوقپاي ما?
- سٶز بوستاندىعى – ول سٶز يەسٸنٸڭ بارلىق جاۋاپكەرشٸلٸكتەن بوساتىلۋى دەگەندٸ بٸلدٸرمەيدٸ. جالا جاپقانى, ادامنىڭ ار-ۇجدانى, ابىرويىنا تيٸسكەنٸ, مازاق قىلعانى ٷشٸن جاۋاپكەرشٸلٸك ەلەمنٸڭ بارلىق دامىعان ەلدەرٸنٸڭ زاڭدارىندا قاراستىرىلعان. وعان زاماناۋي زاڭدارىمىزدىڭ جەنە دەموكراتييانىڭ باستاۋى دەپ تانىلعان فرانتسۋز رەۆوليۋتسيياسىنان باستاپ شىققان بارلىق ۇلى ەڭبەكتەر مەن تراكتاتتاردى وقىساڭىز دا وڭاي كٶز جەتكٸزەسٸز.
4. ەندٸ سٸزگە تٸل تيگٸزگەن بارلىق اداممەن وسىلاي سوتتاسا بەرەسٸز بە?
- جوق ەرينە, ادامدار مٸنەزٸنە بايلانىستى جەتەكشٸ جەنە جەتەككە ەرۋشٸ بولىپ ەكٸ تيپكە بٶلٸنەدٸ (ۆەدومىە ي ۆەدۋششيە). جەتەككە ەرەتٸندەر كٶپشٸلٸكتٸ قۇرايدى. ولار ٶزدٸگٸنەن ٸزدەنبەيدٸ, باس قاتىرمايدى, بەلگٸلٸ تۇلعالار باسقالار تۋرالى نە ايتسا, سونى سول قالپىندا قابىلدايدى. سوندىقتاندا ول تيپتەگٸ ادامداردىڭ سٶزٸن كٶڭٸلگە الىپ كەرەگٸ جوق.
ال بولات ابيلوۆ بولسا – ول قوعامدىق-ساياسي ورتادا پٸكٸر قالىپتاستىرا الاتىن, جەتەكشٸ رٶلگە يە ادام.
وسىنداي تۇلعالار كٶپشٸلٸككە قاراتا ايتقان سٶزدەرٸنە نازار اۋدارسا, ەل الدىنداعى جاۋاپكەرشٸلٸگٸن سەزٸنسە دەگەن وي مەنٸكٸ. ەكٸنشٸ ماقساتىم – وسىنداي سٶزگە قالعان, ار-نامىسى تاپتالعان ازاماتتار بولسا, جەلٸدە بوسقا سٶز شىعىن قىلماي, زاڭ جٷزٸندە ٶز قۇقىقتارىن قورعاسا. ول ٷشٸن ەكٸمشٸلٸك, ازاماتتىق, قىلمىستىق زاڭنامادا قانداي جاۋاپكەرشٸلٸك تٷرلەرٸ قاراستىرىلعان, ولاردى قالاي قولدانۋعا بولادى, بەرٸن تەپتٸشتەپ جازىپ شىقتىم. ەر ادام تانىسىپ, ٶزٸنە كەرەگٸن پايدالانۋىنا بولادى.
بۇدان باسقا, مەنسٸزدەۋ, قىڭىر-قيسىق سۇراقتاردا, ەرتٷرلٸ پٸكٸرلەردە بولدى, ولاردى جازىپ بۇل جەردٸ ۇرىس الاڭىنا اينالدىرۋ ماقساتىم جوق. سونىمەن بۇل تەما ەزٸرگە تەمام!
جەلٸدە, قوعام اراسىندا, ەلەۋمەتتٸك, ساياسي ورتادا بٸر-بٸرٸمٸزدٸڭ ارىمىزدى تاپتاماي, جەكە باسقا تيٸسپەي مەدەنيەتتٸ تٷردە پٸكٸر تالاستىرىپ ٷيرەنەيٸك. ابايشا ايتقاندا, سٶز تٷزەلمەي, ەل تٷزەلمەيتٸنٸن ەستە ساقتايىق!
ابزال قۇسپان
