بەلگٸلٸ زاڭگەر ەرٸ قوعام بەلسەندٸسٸ ايگٷل ورىنبەك تالعارداعى تراگەدييا كەزٸندە قازا تاپقان شەرزات بولاتتىڭ اعاسىنىڭ ٶلٸمٸنە بايلانىستى پٸكٸر بٸلدٸردٸ. ول بۇل وقيعا بٸر وتباسىنىڭ تراگەديياسى ەمەس, بٷكٸل قوعامنىڭ قابىرعاسىن قايىستىرىپ كەتكەنٸن ايتتى, - دەپ حابارلايدى Dalanews.kz.
ايگٷل ورىنبەكتٸڭ سٶزٸنشە, قىلمىستىق وقيعا بولعاننان كەيٸن, وتباسى مٷشەلەرٸنە اۋىر پسيحولوگييالىق جٷكتەمە تٷسەدٸ.
"ەسٸرەسە, مۇنداي جاعدايلاردا پسيحولوگتاردىڭ كٶمەگٸ ٶتە ماڭىزدى. ٶكٸنٸشكە وراي, بٸزدٸڭ قوعامدا ادام ٶلٸمٸ ورىن العان جەرلەردە پسيحولوگتاردىڭ جٷيەلٸ تٷردە جۇمىس ٸستەمەۋٸ كٷردەلٸ مەسەلە بولىپ قالا بەرەدٸ. جاس بالانىڭ قايتىس بولۋى وتباسىنىڭ ٸشكٸ قارىم-قاتىناسىندا اۋىرتپاشىلىق تۋعىزدى. مۇنداي جاعدايدا, “ەگەر سول تٷنٸ بۇلاي ٸستەمەگەندە”, “مەن كٸنەلٸمٸن” سيياقتى ٶزارا ايىپتاۋلار مەن ٸشكٸ كٷيزەلٸستەر سٶزسٸز پايدا بولادى. وسىلايشا, وتباسى مٷشەلەرٸ بٸر-بٸرٸن نەمەسە ٶزدەرٸن كٸنەلاپ, جاعدايدى ودان ەرٸ اۋىرلاتۋى مٷمكٸن", - دەيدٸ زاڭگەر رەداكتسييا تٸلشٸسٸنە بەرگەن جاۋابىندا.
زاڭگەر بۇل وقيعادا, اتاپ ايتقاندا, مىلتىقتىڭ اعاسىنىڭ قولىندا بولعانى تۋرالى مەلٸمەتتەر بار ەكەنٸن اتاپ ٶتتٸ.
"ەگەر ول وقيعا ورنىنا قارۋدى الىپ كەلگەن بولسا, ونىڭ ٶزٸن-ٶزٸ كٸنەلٸ سەزٸنۋٸ مٷمكٸن. ٸشكٸ كٸنەلاۋ سەزٸمٸ ونى وسىنداي قادامعا يتەرمەلەۋٸ ىقتيمال. الايدا, بۇل جاعداي تەك تەرگەۋ بارىسىندا تولىق انىقتالۋى كەرەك.
دەل قەزٸر تەرگەۋ كەزٸندە قىسىم جاسالعان-جاسالماعانى تۋرالى سۇراق قوعامدا الاڭداۋشىلىق تۋدىرادى. ەگەر مۇنداي جايت ورىن العان بولسا, باقىلاۋشى ورگاندار, اتاپ ايتقاندا پروكۋراتۋرا, بۇل جاعدايعا تيٸستٸ قۇقىقتىق باعا بەرۋٸ تيٸس. بۇل وقيعانىڭ قوعام باقىلاۋىندا ەكەنٸن ۇمىتپاعان جٶن. اشىقتىق پەن ەدٸلدٸك پرينتسيپتەرٸ قاتاڭ ساقتالۋى كەرەك", - دەيدٸ ايگٷل ورىنبەك.
زاڭگەر مۇنداي اۋىر جاعدايلاردا وتباسىنا تەك ادۆوكاتتىڭ ەمەس, پسيحولوگتاردىڭ دا كٶمەگٸ قاجەت ەكەنٸن اتاپ ٶتتٸ.
"قايعىعا دۋشار بولعان ادامدارعا كەسٸبي پسيحولوگييالىق قولداۋ كٶرسەتۋ ولاردىڭ اۋىر جاعدايدان شىعۋىنا جەنە قاتەلٸكتەر مەن قايتالاناتىن تراگەدييالاردىڭ الدىن الۋعا ىقپال ەتەدٸ. بٸز بۇل وقيعانى تەك قايعى رەتٸندە ەمەس, قوعامداعى ماڭىزدى مەسەلەلەردٸ كٶرسەتەتٸن جاعداي دەپ قابىلداۋىمىز كەرەك. وتباسىعا كٶمەك كٶرسەتٸپ, تەرگەۋدٸڭ ەدٸلدٸگٸنە قول جەتكٸزۋ - تەك قۇقىق قورعاۋ ورگاندارىنىڭ عانا ەمەس, بٷكٸل قوعامنىڭ مٸندەتٸ", - دەيدٸ ايگٷل ورىنبەك.
ەسكە سالايىق, بٷگٸن الماتى وبلىسىندا شەرزات بولاتتىڭ اعاسى نۇرقانات عايىپباەۆ ٶلٸ تابىلعان ەدٸ. پوليتسييا دەپارتامەنتٸنٸڭ الدىن الا دەرەكتەرٸ بويىنشا, ول سۋيتسيد جاساعان. وعان دەلەل رەتٸندە پوليتسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
حابارلامادا ول تۋىسقاندارىمەن قوشتاسىپ, جيەنٸنٸڭ جانىنا جەرلەۋدٸ سۇراعان.
بۇل فاكتٸ بويىنشا قىلمىستىق ٸس قوزعالدى. قازٸرگٸ ۋاقىتتا بارلىق جاعدايلاردى انىقتاۋ ٷشٸن تەرگەۋ امالدارى جٷرگٸزٸلٸپ جاتىر.
شەرزات بولات تاراپىنىڭ ادۆوكاتى سايدا تەۋەكەلوۆا جاسٶسپٸرٸمنٸڭ اعاسىنىڭ ٶلٸ تابىلۋىنا قاتىستى مەلٸمدەمە جاساعان بولاتىن.
سايدا تەۋەكەلوۆا مارقۇمنىڭ اعاسى نۇرقانات عايىپباەۆ كٶز جۇمعانىن راستادى. "چەمودان گوسسەكرەتوۆ" تەلەگرام-ارناسىندا “شەرزات بولاتتىڭ اعاسى تٶبەلەس كەزٸندە قارۋدى بٸرٸنشٸ الىپ شىققان, سول ٷشٸن ٶزٸن ايىپتى سەزٸنٸپ, ٶز-ٶزٸنە قول سالعان” دەگەن اقپارات تاراعان.
"مارقۇمنىڭ تەرگەۋ بارىسىندا بەرگەن جاۋاپتارىنان ونىڭ قاتتى قوبالجىعانىن, ٸنٸسٸنٸڭ ٶلٸمٸنە ٶزٸن كٸنەلٸ دەپ ساناعانىن بايقاۋعا بولادى. سۋيتسيد جاساۋىنىڭ دا سەبەبٸ سول بولۋى مٷمكٸن", دەلٸنگەن تەلەگرامداعى جازبادا.
ادۆوكات تەۋەكەلوۆا بۇل نۇسقانى جوققا شىعارعان ەدٸ.
ال بۇعان دەيٸن شەرزات بولات تاراپىنىڭ قورعاۋشىسى مارال جايلاۋباەۆا قاندى وقيعا بولعان تٷنٸ كٷدٸكتٸلەر مارقۇم شەرزاتتىڭ اعاسى نۇرقاناتتى دا ٶلتٸرۋگە وقتالعانىن ايتقان ەدٸ.
“بٸز نۇرقاناتتى ٶلتٸرۋگە وقتالۋ فاكتٸسٸ بويىنشا تەرگەۋ ورگاندارىنا ٶتٸنٸش جٸبەردٸك. كٷدٸكتٸلەر نۇرقاناتقا دەنە جاراقاتتارىن كەلتٸرٸپ, 3-4 مەرتە جامباسى مەن تٶسٸنە پىشاق سۇققان. اتالعان ەرەكەتتەر ادامدى ٶمٸرٸنەن ايىرۋعا تٸكەلەي باعىتتالعان, ياعني ناقتى نيەتپەن جاسالعان دەپ ەسەپتەيمٸز. بۇل ٶتٸنٸش قازٸر تەرگەۋ ورگاندارىمەن قارالۋدا. قىلمىستىق ٸس بويىنشا جەبٸرلەنۋشٸلەر مەن كٷدٸكتٸلەردٸڭ ورتاسىندا بەتتەستٸرۋ ٶتكٸزٸلٸپ, قازٸرگٸ تاڭدا تاعايىندالعان ساراپتامالاردىڭ قورىتىندىلارىمەن بٸز تانىسۋدامىز”, - دەگەن ەدٸ ادۆوكات.
