ەرينە, ونىڭ كٶسٸلگٸسٸ كەلگەن كلەركتٸڭ قىزمەتٸنە مەن باعا بەرۋدەن اۋلاقپىن. شىنىمەن دە قابٸلەتتٸ ۇيىمداستىرۋشى ەرٸ ٶزٸ ايتىپ ٶتكەندەي ادال دا ەل الدىندا ابىرويلى ازامات شىعار.
كٶزبەن كٶرمەگەسٸن, قولىنان تاپ باسىپ ۇستاماعان سوڭ شەنەۋنٸكتٸڭ بەرٸن بٸردەي پاراقور دەپ ايتا المايمىز عوي.
بٸراق ەشەيٸندە سابىرلىق ساقتايتىن مەنٸ اشۋلاندىرىپ, زىعىردانىمدى قاي-ناتقان جەيت – باسقا جەيت.
ماناعى باسشىسىماق جارتى ساعات بويىنا قازاق تٸلٸندە سٶيلەۋگە تىرىسىپ, تٸپتٸ مازانى كەتٸردٸ.
بٸرٸنشٸدەن, كٸبٸرتٸكتەپ ەرٸ ەجٸكتەپ ەكٸ اۋىز سٶزدٸڭ باسىن قوسا الماي شارشادى, تەرلەپ-تەپشٸدٸ-اۋ, بەتشاعار.
ەكٸنشٸدەن, ٶزٸ عانا قينالىپ قويماي, سٶزدٸڭ قادٸرٸن بٸلەتٸن تۇتاس جۇرتتى قينادى-اۋ! ٶز باسىم رابايدا تاعى دا نە بٷلدٸرٸپ قويار ەكەن دەپ قيپالاقتاۋمەن بولدىم, جانىم وعان ەمەس, تٸلٸمٸزگە اشىدى عوي! نەتيجەسٸندە ونىڭ نە ايتىپ, نە قويعانىن ەشكٸم دە ۇعا المادى (ٶزٸ دە اسا ۇعا قويعان جوق-اۋ وسى).
وسىدان كٸم نە ۇتتى?
قانشاما كٷش سالىپ, تەلەديدارعا شىققان شالاتٸلدٸ شەنەۋنٸك نە ۇتتى? كەشقۇرىم كٶگٸلدٸر ەكران الدىندا قازاق تٸلٸندە ەلەۋمەتتٸك ماڭىزى بار حابار كٶرمەك بولعان قادٸرمەندٸ كٶرەرمەن نە ۇتتى?
ٶزٸنٸڭ بٸر ٶكٸلٸن دٷيٸم جۇرتتىڭ الدىنا شىعارىپ, حالىق الدىندا ەسەپ بەرگٸزگٸسٸ كەلگەن ٶز تٸلٸنە ٶگەي ٷكٸمەت نە ۋتتى?
نەتيجە بٸرەۋ – ەشكٸم دە ۇتقان جوق!
تٸلگە تالاپسىز تەلەگەروي دا, جاقسىلىققا جانى جاقىن جۇرت تا, بەرٸن بەلدەن باسقان بيلٸك تە!
كەرٸسٸنشە, تٸكەلەي ەفيردە تەرك ەتٸلگەن تٸلٸمٸز ۇتىلدى سول كٷنٸ!
تالاپتىعا نۇر جاۋار دەيدٸ قازاق. مٷمكٸن, شەنەۋنٸكتٸڭ ٶز تٸلٸمدە سٶيلەيمٸن دەگەن نيەتٸنە قولداۋ كٶرسەتۋ دە كەرەك شىعار. بٸراق قازاقتا تاعى دا بٸر سٶز بار «ارتىق قىلام دەپ تٸرتىق قىلدى» دەيدٸ.
اعىلشىن نەمەسە ورىس تٸلٸندە مٸڭگٸرلەپ تۇرعان ادامدى ۇلتتىق تەلەارناعا جارتى ساعاتتىق حابارعا شىعارار ما ەدٸ?
وسىنشاما التىنداي ۋاقىتتى ايتپاعاندا, بٸر سەكۋندقا دا ماڭايىنا جولاتپاس ەدٸ!
ال بٸزدە بولسا ونى ەكرانعا جٸبەرگەن تەلەارنا باسشىلىعى دا تىنىش, كٷندە قايتالانىپ جاتقان وسىنداي ماسقاراعا كٶزجۇمبايلىقپەن قاراپ وتىرعان قاپتاعان تٸل پاتريوتتارى دا تىنىش!
مەنٸڭشە, انا تٸلٸمٸزدٸڭ ابىرويىن ايرانداي تٶگەتٸن وسىنداي ويراندارعا جول بەرمەۋ ٷشٸن بٸر نەرسەنٸ جەدەل قولعا الۋ كەرەك.
ياعني, ٶز اعايىنىمىزدىڭ ٸشٸنەن شىققان تٸلگە شورقاق شەنەۋنٸككە نە باسقا دا تالاپكەرگە – قازاق تٸلٸن جەتٸك مەڭگەرمەسە تەلەەكرانعا شىعۋعا تىيىم سالۋ قاجەت!
تانىمال بولعىسى كەلسە, كارەرا جاساعىسى كەلسە, تٸلدٸ ٷيرەنسٸن!
وسى ورايدا ٶزٸمنٸڭ بٸر تانىسىم تۋرالى ايتسام. بەدەلدٸ باتىس مەملەكەتٸنٸڭ قازاقستانداعى ەلشٸلٸگٸندە جۇمىس ٸستەگەن بٸر ديپلومات بٸر-ەكٸ جىلدىڭ ٸشٸندە قازاق تٸلٸن ەپ-ەدەمٸ-اق يگەرٸپ العان بولاتىن.
پرەتسەدەنت دەگەن ۇعىم بار, اعايىن!
ەمٸرجان قوسانوۆ,
ساياساتكەر
