مۇنايدىڭ قۇنى كٷرت ارزانداپ كەتكەننەن كەيٸن قازاقستاندىق قور بيرجاسىندا دوللار 393,5 تەڭگەگە ساتىلىپ جاتىر. KASE-نٸڭ اقپاراتىنا سەيكەس, بۇل – ارالىق باعام. بٷگٸن, سەيسەنبٸ كٷنٸ ساعات 15:00-دە رەسمي باعام بەكٸتٸلەتٸن بولادى.
وسىلايشا, دوللار 11,5 تەڭگەگە قىمباتتاپ وتىر. 6 ناۋرىزدا شەتەلدٸك ۆاليۋتانىڭ باعامى 382,05 تەڭگە بولعان.
ايتا كەتەيٸك, بٷگٸن ۇلتتىق بانك بازالىق ستاۆكانى 9,25%-تەن 12-گە دەيٸن كٶتەردٸ. نەگٸزگٸ ماقسات – ۇلتتىق ۆاليۋتانىڭ ايىرباستاۋ باعامىن ۇستاپ تۇرۋ.
9 ناۋرىزدا مۇناي باعاسى قۇلدىراعاننان كەيٸن قازاقستاننىڭ ۆاليۋتا ايىرباستاۋ پۋنكتەرٸندە دوللار كٷرت قىمباتتاپ كەتتٸ. نۇر-سۇلتان مەن الماتىنىڭ ايىرباستاۋ پۋنكتەرٸندە دوللار 400 تەڭگەدەن ساتىلدى.
AERس ديرەكتورى جانىبەك ايعازين Sputnik قازاقستانعا بەرگەن سۇحباتىندا دٷيسەنبٸ كٷنٸ KASE بيرجاسىندا ساۋدا جٷرگٸزٸلمەيتٸنٸن ايتتى. سوندىقتان ۆاليۋتا باعامى جۇرتتىڭ دٷربەلەڭٸنە بايلانىستى قىمباتتاپ كەتتٸ.
– ينفلياتسييالىق تارگەتتەۋگە قاراماستان, ۇلتتىق بانكتە باعام تارگەتٸ بار. ۆاليۋتا باعامى وسى شامادا بولادى. سوندىقتان دٷربەلەڭگە بوي الدىرماۋ كەرەك دەپ ويلايمىن. بٸز مۇنداي جاعدايدى 2014-2015 جىلدارى باستان كەشٸرگەنبٸز, – دەدٸ ەكونوميست.
ول دوللار باعامىنىڭ ٶسۋٸ ەلەمدە مۇناي باعاسىنىڭ 30%-كە تٶمەندەۋٸمەن بايلانىستى ەكەنٸن ايتىپ وتىر. قازٸر قارا التىننىڭ قۇنى باررەلٸنە 30 دوللار. بۇعان وپەك+ كەلٸسٸمٸنە قاتىسۋشى مۇناي ەكسپورتتاۋشى ەلدەردٸڭ 6 ناۋرىزدا ۆەنادا مۇناي ٶندٸرٸسٸ كٶلەمٸن ازايتۋعا بايلانىستى ورتاق شەشٸمگە كەلە الماعانى سەبەپ بولعان. سونداي-اق, كوروناۆيرۋس ٸندەتٸنٸڭ دە كەرٸ ەسەرٸ تيدٸ.
ەكونوميست 18 ناۋرىز كٷنٸ وپەك تەحنيكالىق كوميتەتٸنٸڭ وتىرىسى ٶتەتٸنٸن ايتتى. كەزدەسۋدە ەلدەر ورتاق كەلٸسٸمگە كەلەدٸ دەگەن بولجام جاسالىپ وتىر.
