شىعىس قازاقستان وبلىسىنىڭ ەكٸمٸ دانيال احمەتوۆتٸڭ,
سەمەي قالاسىنىڭ ەكٸمٸ ايبەك كەرٸموۆتٸڭ نازارىنا!
رەداكتسييامىزعا شىعىس قازاقستان وبلىسى سەمەي قالاسىنا قاراستى تاڭات اۋىلىنىڭ تۇرعىندارى تەلەفون شالدى. بايقاعانىمىز, اۋىل تۇرعىندارىنىڭ سەمەي قالاسىنىڭ ەكٸمدٸگٸنە ٶكپەلەرٸ قارا قازانداي سەكٸلدٸ. ولاردىڭ ايتۋىنشا, تاڭات اۋىلىنىڭ تۇرعىندارى 2015 جىلى 28-قاڭتاردا سەمەي قالاسىنىڭ ەكٸمٸ ايبەك مٷتالاپحانۇلى كەرٸموۆكە حات جولدايدى (حاتتىڭ كٶشٸرمەسٸ تٶمەندە ۇسىنىلىپ وتىر). بۇل حاتتا اۋىل تۇرعىندارى تاڭات اۋىلىنداعى تٷيتكٸلدٸ پروبلەمالاردى – مەكتەپتٸڭ, مەديتسينالىق پۋنكتتٸڭ, مەدەنيەت ٷيٸنٸڭ, كٸتاپحانانىڭ, پوشتا بايلانىسىنىڭ جوقتىعىن, سەمەي قالاسى مەن اۋىل اراسىنداعى جول قاتىناسىنىڭ ناشارلىعىن, اۋىلدىڭ بۇرىنعى يادرولىق سىناق پوليگونىنىڭ ٸرگەسٸندە ورنالاسقاندىقتان مۇندا تۇراتىن تۇرعىندار اراسىندا قاتەرلٸ اۋرۋلاردىڭ ورىن الىپ وتىرعانىن جازعان. سوندىقتان بۇل اۋىلعا بۇرىندارى «كەلەشەگٸ جوق» دەپ تانىلعان ساماي, سوتس. قازاقستان, قاراٶلەڭ, قىزىلجال, كيٸكقاشقان اۋىلدارى سەكٸلدٸ مەرتەبە بەرٸپ, اۋىل تۇرعىندارىن سەمەي قالاسىنان باسپانامەن قامتاماسىز ەتۋگە كٶمەك كٶرسەتٸلسە دەگەن تٸلەكتەرٸن جەتكٸزگەن. سونىمەن قاتار حاتتا وسى مەسەلەنٸ تٷبەگەيلٸ زەرتتەپ, اۋىل تۇرعىندارىنىڭ قارجىلىق, ماتەريالدىق, شارۋاشىلىق جاعدايىن انىقتاۋ ٷشٸن قالا ەكٸمدٸگٸ تاراپىنان ارنايى جۇمىس توبىن قۇرۋدى ٶتٸنگەن.
– سەمەي قالاسى ەكٸمدٸگٸنەن ٶز باسىنا باسپانا سۇراپ, حات جازعان ەشكٸم جوق. بۇل حاتتا بٷكٸل اۋىل تۇرعىندارىنىڭ مەسەلەسٸ كٶتەرٸلٸپ, جانايقايى جازىلىپ وتىر. بٸز بۇل حاتتى جاۋاپ رەتٸندە قابىلداي المايمىز. اۋىل تۇرعىندارى سەمەي قالاسى ەكٸمدٸگٸنٸڭ بۇل جاۋابىنا مٷلدە قاناعاتتانبايدى. مۇنى بٸز قالا ەكٸمدٸگٸنٸڭ اۋىل تۇرعىندارىنىڭ مەسەلەسٸنە نەمقۇرايلى قاراۋى دەپ تٷسٸنەمٸز. سوندىقتان 2015 جىلعى 28 قاڭتاردا تاڭات اۋىل تۇرعىندارى اتىنان سەمەي قالاسىنىڭ ەكٸمٸ ايبەك كەرٸموۆكە جولدانعان حاتتى سەمەي قالاسىنىڭ ەكٸمدٸگٸ قايتادان مۇقييات قاراپ, تيٸستٸ شەشٸم قابىلداپ, قايتادان جاۋاپ بەرۋلەرٸن سۇرايمىز, - دەيدٸ تاڭات اۋىلىنىڭ تۇرعىندارى.
شىعىس قازاقستان وبلىسىنىڭ ەكٸمٸ دانيال احمەتوۆتٸڭ كەز كەلگەن مەسەلەگە ٷلكەن جاۋاپكەرشٸلٸكپەن قارايتىن باسشى ەكەنٸن جاقسى بٸلەمٸز. سوندىقتان تاڭات اۋىلى تۇرعىندارىنىڭ جانايقايى, كٶتەرٸپ وتىرعان مەسەلەلەرٸ ەسكەرۋسٸز قالمايدى دەپ سەنەمٸز.
