سىبە كولدەرى – تاۋ قاتپارلارىندا بەس كولدىڭ توعىسقان جەرى، شىعىس وڭىرىندەگى تۇمسا تابيعاتتىڭ اسەم كورىنىسى.
اۋدانداعى ءتۋريزمنىڭ دامۋى «100 ناقتى قادام» ۇلت جوسپارى نەگىزىندە جۇزەگە اسىرىلىپ كەلەدى.
ەكى جىل بۇرىن شالقار كولىندە (سىبە كولدەرىنىڭ توبىنا ەنگەن ءۇشىنشى كول) وبلىس تۇرعىندارى مەن تۋريستەرىنىڭ سۇيىكتى دەمالىس ورنىنا اينالعان ««Sibiny» family resort» مۋنيسيپالدى جاعاجايى اشىلعان بولاتىن.
شىعىس قازاقستان وبلىسى باسشىلىعىنىڭ قولداۋىمەن ءتۋريزمدى دامىتۋ ماقساتىندا وسكەمەن-سامار جانە سىبە كولدەرى جاعالاۋىنا دەيىنگى 125 شاقىرىم جول جوندەۋدەن ءوتتى.
ال اۋدان اكىمشىلىگى تاراپىنان دەمالۋشىلارعا قولايلى جاعداي جاساۋ ماقساتىندا مۋنيسيپالدى جاعاجاي كەڭەيتىلىپ، تۋريستەر سانىنىڭ ارتۋىنا سەپتىگىن تيگىزىپ وتىر.
سونىمەن قاتار قاۋىپسىزدىك شارالارى دا قولعا الىنىپ، بيىلعى جىلدان باستاپ پوليسيا پۋنكتى ورناتىلادى. بۇل ەڭ باستىسى، بالالار قاۋىپسىزىدىگىنە وتە قاجەت.
- دەمالۋشىلاردىڭ ۇسىنىس-تىلەكتەرى ەسكەرىلىپ، ولارعا وڭتايلى جاعداي جاساۋ ماقساتىندا ءبىرقاتار شارالار قولعا الىندى. الداعى ۋاقىتتا دا بۇل جۇمىستار جالعاسىن تابادى،- دەدى ۇلان اۋدانىنىڭ اكىمى نۇرىمبەت ساقتاعانوۆ.
سونىمەن قاتار سۋدا ءجۇزۋ قاۋىپسىزىدىگىن قامتاماسىز ەتۋ ماقساتىندا ارنايى باقىلاۋ قۇرالدارى، قورشاۋلار ورناتىلعان.
جاعالاۋدا سپورت ويىندارىنا ارنالعان قۇرىلعىلار، ۆولەيبول مەن دايۆينگ الاڭى ورناتىلعان.
جاعاجايدىڭ اشىلۋ سالتاناتىنا قازاقستاندىق ءانشى داستان ورازبەكوۆ ارنايى كونسەرتىمەن كەلىپ، قوناقتارعا جاقسى كوڭىل-كۇي سىيلادى.
- سىبە كولى وتە كوركەم ءارى تۇڭعيىق ەكەن. شەتەلگە بارماي، ەلىمىزدىڭ وسىنداي كەرەمەت جەرلەرىندە دەمالۋ كەرەك ەكەن، - دەدى ءانشى.
