Sibe kólderi – taý qatparlarynda bes kóldiń toǵysqan jeri, Shyǵys óńirindegi tumsa tabıǵattyń ásem kórinisi.
Aýdandaǵy týrızmniń damýy «100 naqty qadam» Ult jospary negizinde júzege asyrylyp keledi.
Eki jyl buryn Shalqar kólinde (Sibe kólderiniń tobyna engen úshinshi kól) oblys turǵyndary men týrıseriniń súıikti demalys ornyna aınalǵan ««Sibiny» family resort» mýnısıpaldy jaǵajaıy ashylǵan bolatyn.
Shyǵys Qazaqstan oblysy basshylyǵynyń qoldaýymen týrızmdi damytý maqsatynda Óskemen-Samar jáne Sibe kólderi jaǵalaýyna deıingi 125 shaqyrym jol jóndeýden ótti.
Al aýdan ákimshiligi tarapynan demalýshylarǵa qolaıly jaǵdaı jasaý maqsatynda mýnısıpaldy jaǵajaı keńeıtilip, týrıser sanynyń artýyna septigin tıgizip otyr.
Sonymen qatar qaýipsizdik sharalary da qolǵa alynyp, bıylǵy jyldan bastap polısıa pýnkti ornatylady. Bul eń bastysy, balalar qaýipsizidigine óte qajet.
- Demalýshylardyń usynys-tilekteri eskerilip, olarǵa ońtaıly jaǵdaı jasaý maqsatynda birqatar sharalar qolǵa alyndy. Aldaǵy ýaqytta da bul jumystar jalǵasyn tabady,- dedi Ulan aýdanynyń ákimi Nurymbet Saqtaǵanov.
Sonymen qatar sýda júzý qaýipsizidigin qamtamasyz etý maqsatynda arnaıy baqylaý quraldary, qorshaýlar ornatylǵan.
Jaǵalaýda sport oıyndaryna arnalǵan qurylǵylar, voleıbol men daıvıng alańy ornatylǵan.
Jaǵajaıdyń ashylý saltanatyna qazaqstandyq ánshi Dastan Orazbekov arnaıy konsertimen kelip, qonaqtarǵa jaqsy kóńil-kúı syılady.
- Sibe kóli óte kórkem ári tuńǵıyq eken. Shetelge barmaı, elimizdiń osyndaı keremet jerlerinde demalý kerek eken, - dedi ánshi.
