اۋعانستاننىڭ پاندجشەر جازىعىندا "تاليبان" قوزعالىسى مەن ۇلتتىق قارسىلىق مايدانى كٷشتەرٸنٸڭ اراسىندا ۇرىس جٷرٸپ جاتىر.
"تاليبان" سودىرلارى پاندجشەر شاھارىنا باتىس جاقتان كٸرۋگە ۇمتىلدى, بٸراق جەڭٸلٸس تاپتى. بۇل جٶنٸندە وزودي راديوسىنا تەلٸپتەرگە قارسى كٷشتٸڭ ٶكٸلٸ فاحيم داشتي حابارلادى. ول قازٸر تەلٸپتەرگە قارسى كٷرەسٸپ جاتقان كٷشتٸڭ جەتەكشٸسٸ احماد ماسۋدتىڭ باسپاسٶز حاتشىسى بولىپ جٷر.
اشراف عاني تۇسىندا اۋعانستاننىڭ قورعانىس مينيسترٸ بولعان بيسميللا مۋحاممادي تۆيتتەر پاراقشاسىنا تەلٸپتەر پاندجشەر قالاسىنا ٶتكەن تٷنٸ شابۋىل جاساعانىن جازعان. تەلٸپتەر جەڭٸلٸپ, شەگٸنٸس جاساعان.
بٸراق تەلٸپتەر شابۋىلدى جالعاستىرىپ جاتىر. ولار قازٸر پاندجشەر قالاسىن تولىق قورشاپ العان. "ولار ناتو-نىڭ كٶمەگٸمەن كابۋلدى قورعاي المادى, شاعىن عانا اۋماقتا قايتٸپ قارسى تۇرماق?", - دەپ مەلٸمدەدٸ "تاليبان" ٶكٸلٸ موتتاكي. تەلٸپ ٶكٸلٸ بۇل ايماققا گۋبەرناتور تاعايىنداپ قويعانىن دا مەلٸمدەدٸ.
پاندجشەر كابۋلدىڭ سولتٷستٸك جاعىندا ورنالاسقان. وندا نەگٸزٸنەن تەجٸك ۇلتىنىڭ ٶكٸلدەرٸ تۇرادى.
اقش ەسكەرٸ 30 تامىزدا 20 جىلعا سوزىلعان ميسسيياسىن تولىق اياقتاپ اۋعانستان ايماعىنان شىعىپ كەتتٸ. امەريكانىڭ اۋعانستانعا ميسسيياسى 2001 جىلى 11 قىركٷيەكتەگٸ تەراكتٸدەن كەيٸن باستالعان.
