Aýǵanstannyń Pandjsher jazyǵynda "Taliban" qozǵalysy men Ulttyq qarsylyq maidany kúshteriniń arasynda urys júrip jatyr.
"Taliban" sodyrlary Pandjsher shaharyna batys jaqtan kirýge umtyldy, biraq jeńilis tapty. Bul jóninde Ozodi radiosyna tálipterge qarsy kúshtiń ókili Fahim Dashti habarlady. Ol qazir tálipterge qarsy kúresip jatqan kúshtiń jetekshisi Ahmad Masýdtyń baspasóz hatshysy bolyp júr.
Ashraf Ǵani tusynda Aýǵanstannyń qorǵanys ministri bolǵan Bismilla Mýhammadi Tvitter paraqshasyna tálipter Pandjsher qalasyna ótken túni shabýyl jasaǵanyn jazǵan. Tálipter jeńilip, sheginis jasaǵan.
Biraq tálipter shabýyldy jalǵastyryp jatyr. Olar qazir Pandjsher qalasyn tolyq qorshap alǵan. "Olar NATO-nyń kómegimen Kabýldy qorǵai almady, shaǵyn ǵana aýmaqta qaitip qarsy turmaq?", - dep málimdedi "Taliban" ókili Mottaki. Tálip ókili bul aimaqqa gýbernator taǵaiyndap qoiǵanyn da málimdedi.
Pandjsher Kabýldyń soltústik jaǵynda ornalasqan. Onda negizinen tájik ultynyń ókilderi turady.
AQSh áskeri 30 tamyzda 20 jylǵa sozylǵan missiiasyn tolyq aiaqtap Aýǵanstan aimaǵynan shyǵyp ketti. Amerikanyń Aýǵanstanǵa missiiasy 2001 jyly 11 qyrkúiektegi teraktiden keiin bastalǵan.
