مەملەكەت باسشىسى بٷگٸنگٸ جولداۋدا تەرەڭ ٶڭدەۋ تەسٸلدەرٸن مەڭگەرۋ قاجەت ەكەنٸن ەرەكشە اتاپ ٶتكەن ەدٸ. ينۆەستور تارتىپ, ايماقتاردى ٶركەندەتۋ ٷشٸن قانداي ەرەكەت جاسالۋى كەرەگٸن Bal Tekstil كٸلەم فابريكاسىنىڭ باس ديرەكتورى تالعات ىسقاقوۆتان سۇرادىق.
كەسٸپكەردٸڭ ايتۋىنشا, وتاندىق ٶندٸرٸستٸ دامىتىپ, ينۆەستور تارتۋ ٷشٸن بٸرٸنشٸ كەزەكتە ٸشكٸ نارىقتى قورعاۋ قاجەت. «مىسالى كٶرشٸلەس ٶزبەكستاندا ٸشكٸ نارىق قورعالعاندىقتان, ٶندٸرٸسٸ جاقسى دامىپ جاتىر. ول جاقتا شەتەلدەن كەلەتٸن دايىن ٶنٸمدەرگە كەدەندٸك باج سالىعى جوعارى. ال بٸزدە يمپورتتىق تاۋارلارعا باج سالىعى تٶمەن. وسى سەبەپتٸ بٸزگە شەتەلدەن دايىن ٶنٸم ەكەلٸپ ساتقان تيٸمدٸ. وتاندىق ٶندٸرٸستٸ دامىتىپ, ٶز بۇيىمدارىمىزدى شىعارۋ قيىن. شەتەلدٸك ٶندٸرۋشٸلەرمەن بەسەكەلەسۋ وڭاي ەمەس. سوندىقتان ٶزٸمٸزدەن شىعاتىن ٶنٸمدەردٸڭ شەتەلدٸك بالاماسى بولسا, جولىنا اكتسيز نە قوسىمشا سالىق سەكٸلدٸ كەدەرگٸ قويۋ كەرەك. ونى بەلگٸلٸ بٸر مەرزٸمگە, 5-10 جىلعا قويسا بولادى. ياعني باستىسى اياققا تۇرىپ كەتۋگە كٶمەكتەسۋ قاجەت» دەيدٸ تالعات ىسقاقوۆ.
«جالپى العاندا بٸزدە مەملەكەت تاراپىنان وتاندىق ٶندٸرۋشٸلەرگە قولداۋ جاقسى. جەڭٸلدەتٸلگەن نەسيەلەر, جەر تەلٸمدەرٸ — بەرٸ بار. جەتپەي تۇرعانى — ٸشكٸ نارىقتى قورعاۋ عانا. وسى ەرەكەت بولماعاندىقتان, ينۆەستورلار قىزىقپايدى. كەلەسٸ بٸر ايتاتىن جايت: شيكٸزات كٷيٸندە شەتەلگە ساتۋعا تىيىم سالعان جٶن. مەسەلەن وڭتٷستٸكتە ماقتا ەگٸلەدٸ. سونى شيكٸلەي ساتۋعا تىيىم سالۋ كەرەك. سوندا عانا ماقتادان — جٸپ, جٸپتەن ماتا جاسالادى. سول كەزدە مەملەكەتتەن تٸكەلەي قولداۋ كەرەك بولادى. قولدا بار زاتتى تەرەڭدەتٸپ ٶڭدەۋگە مٷمكٸندٸك قاجەت».
