زاڭگەر دانييار بايعاباتوۆ شەرزات بولاتتىڭ ٸسٸنە قاتىستى سوت پروتسەسٸنٸڭ اشىق جەنە ونلاين رەجيمدە ٶتۋٸنە قاتىستى سۇراققا جاۋاپ بەردٸ, –دەپ حابارلايدى Dalanews.kz تٸلشٸسٸ Tengrinews.kz-كە سٸلتەمە جاساپ.
زاڭگەردٸڭ سٶزٸنشە, پروتسەستٸڭ اشىق ٶتۋٸ بٸرنەشە فاكتورعا بايلانىستى. ەڭ الدىمەن پروتسەستٸ ونلاين ٶتكٸزۋ ٷشٸن تەحنيكالىق مٷمكٸندٸكتەر بار-جوعى قاراستىرىلادى. مۇنداي ٸستەردە قوعامدىق رەزونانس تا ەسەر ەتۋٸ مٷمكٸن.
دانييار بايعاباتوۆ ەگەر جەبٸرلەنۋشٸ تاراپ – شەرزاتتىڭ اتا-اناسى پروتسەستٸ ونلاين, اشىق ٶتكٸزۋگە ٶتٸنٸش بەرسە جەنە ترانسلياتسييا جٷرگٸزۋگە تەحنيكالىق مٷمكٸندٸك بولسا, جوعارعى سوت تاراپىنان رۇقسات بەرٸلۋٸ مٷمكٸن ەكەنٸن ايتادى.
"زاڭ بويىنشا باق ٶكٸلدەرٸ قاتىسا الاتىن جەنە قاراپايىم ازاماتتار ونلاين كٶرە الاتىن اشىق سوت پروتسەستەرٸن ٶتكٸزۋگە بولادى. الايدا ەگەر ايىپتالۋشىلار تٷرلەرٸنٸڭ ترانسلياتسييادا تارالىپ كەتۋٸنە قارسى شىقسا, ول پروتسەستٸڭ ونلاين ٶتۋٸ نەمەسە ٶتپەۋٸ تۋرالى شەشٸم قابىلداۋدا ەسەر ەتۋٸ مٷمكٸن. مۇنداي جاعدايدا ايىپتالۋشىلاردىڭ تٷرٸ ترانسلياتسييادان كٶرسەتٸلمەۋٸ مٷمكٸن", – دەيدٸ بايعاباتوۆ.
ودان بٶلەك, زاڭگەردٸڭ سٶزٸنشە, كەيبٸر جاعدايدا ەگەر ايىپتالۋشىلار نەمەسە ولاردىڭ ادۆوكاتتارى سوتتى جابىق ٶتكٸزۋگە ٶتٸنٸش بەرسە, سوت ترانسلياتسييانى ٶتكٸزبەي قويۋى مٷمكٸن.
"پروتسەسس كەزٸندە سۋديا ترانسلياتسييا جٷرگٸزۋگە قاتىستى ناقتى شەشٸم شىعارادى. سەبەبٸ ايىپتالۋشىلاردىڭ دا كونستيتۋتسييالىق قۇقىعى بار", – دەيدٸ زاڭگەر.
قازٸرگٸ تاڭدا ٸس ەلٸ سوتقا جەتكەن جوق. سەبەبٸ تەرگەۋ امالدارى ەلٸ جٷرگٸزٸلٸپ جاتىر. زاڭگەردٸڭ ايتۋىنشا, تەرگەۋ امالدارى ۇزاققا سوزىلۋى مٷمكٸن, سەبەبٸ بۇل ٸسكە قاتىستى كٷدٸكتٸ ادام سانى كٶپ جەنە ساراپتاما كٶپ جٷرگٸزٸپ, كٷدٸكتٸلەردەن جاۋاپ الىنۋى كەرەك.
ايتا كەتەيٸك, 4 قازانعا قاراعان تٷنٸ تالعاردا جانتٷرشٸگەرلٸك قىلمىس بولدى. قولىندا پىشاق پەن قارۋى بار بٸر توپ جٸگٸت 16 جاستاعى شەرزات, ەكەسٸ مەن اعاسىنا شابۋىل جاساعان.
شەرزاتتىڭ ەكەسٸ جالعا دٷكەن الىپ, ساۋدا جاساۋمەن اينالىساتىن. ارتى ٶلٸممەن اياقتالعان تٶبەلەس وسى دٷكەننەن باستالعان. بٸر جٸگٸت دٷكەنگە كەلٸپ, سىرا الىپ, اقشاسىن تٶلەمەي كەتە بارعان. شەرزاتتىڭ ەكەسٸ سىرانىڭ اقشاسىن تٶلەۋدٸ تالاپ ەتكەن كەزدە جانجال تۋىنداعان.
شەرزات وسى سەتتە كليەنتتٸڭ دٷكەننەن شىعىپ كەتۋٸن سۇراعان. بٸراق سىرا العان جٸگٸت دوستارىنا قوڭىراۋ سوعىپ, دٷكەنگە ٷش كٶلٸكپەن بٸر توپ جٸگٸت كەلگەن. بٸر توپ جٸگٸت شەرزاتتى تەپكٸلەي باستاعان. بۇل سەتتٸ تۇرعىندار ۆيدەوعا تٷسٸرٸپ العان. 10-سىنىپتا وقيتىن شەرزات اتا-اناسىنىڭ دٷكەنٸنە كەزدەيسوق كەلگەن. سۋىق قارۋمەن كەلگەن بۇزاقىلار ەشكٸمدٸ اياماپتى. قانسىراعان بٸر وتباسىنىڭ مٷشەلەرٸ اۋرۋحاناعا جەتكٸزٸلگەن. كٶپ ۇزاماي شەرزات جانساقتاۋ بٶلٸمٸندە كٶز جۇمعان. قازا تاپقان جٸگٸتتٸڭ اتا-اناسى پوليتسەيلەر وقيعاعا قاتىستى ادامنىڭ بەرٸن ۇستاماعانىن ايتىپ, دابىل قاققان.
الماتى وبلىسىنىڭ پوليتسييا دەپارتامەنتٸ كەمەلەتكە تولماعان بالانى ٶلتٸرۋ فاكتٸسٸ بويىنشا پوليتسييا قىلمىستىق ٸس قوزعاعانىن حابارلادى. وقيعانىڭ بارلىق قاتىسۋشىلارى ۇستالدى جەنە ۋاقىتشا ۇستاۋ يزولياتورىنا قامالدى.
وبلىستىق پروكۋراتۋرا ٶكٸلدەرٸ بۇل وقيعا جٸتٸ باقىلاۋدا ەكەنٸن حابارلادى.
