باۋىرجان بايباتىروۆ تالعار قالاسى ەكٸمٸنٸڭ ورىنباسارى بولىپ تاعايىندالدى, - دەپ حابارلايدى Dalanews.kz.
ەكٸمدٸك مەلٸمەتٸنشە, 37 جاستاعى شەنەۋنٸك 2023 جىلدان باستاپ تالعار اۋدانى ەكٸمٸ اپپاراتىنىڭ مەملەكەتتٸك-قۇقىقتىق بٶلٸمٸنٸڭ باس مامانى قىزمەتٸن اتقارعان.
ەڭبەك جولىن 2014 جىلى بٶلەك اۋىلدىق وكرۋگٸ ەكٸمٸنٸڭ اپپاراتىنان باستاپ, جەتەكشٸ ماماننان باس مامانعا دەيٸن كٶتەرٸلدٸ. 2018-2020 جىلدارى ەڭبەكشٸقازاق اۋدانى بويىنشا مەملەكەتتٸك كٸرٸستەر باسقارماسىنىڭ باس مامانى قىزمەتٸن اتقاردى.
ايتا كەتەيٸك, 15 قازاندا تالعار قالاسىنىڭ ەكٸمٸ قۋاتبەكۇلى باحىت كٷرٸشبەكوۆ, تالعار قالاسى ەكٸمٸنٸڭ ورىنباسارى ماتان ساعىندىق ٶز مٸندەتتەرٸن تيٸستٸ دەڭگەيدە اتقارماعانى ٷشٸن لاۋازىمدارىنان بوساتىلدى.
ەسكە سالايىق, 4 قازاندا تٷندە تالعاردا 16 جاستاعى جاسٶسپٸرٸم ٶلتٸرٸلدٸ. قايعىلى وقيعا بولعان كٷنٸ شەرزات بولات دٷكەندە جۇمىس ٸستەيتٸن ەكەسٸنە كٶمەكتەسكەن.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعاندار ۇستالىپ, ۋاقىتشا ۇستاۋ يزولياتورىنا قاماۋعا الىندى.
سونىمەن قاتار, الماتى وبلىستىق پوليتسييا دەپارتامەنتٸ باستىعىنىڭ مٸندەتٸن اتقارۋشى شالقاروۆ تٶبەلەستەن كەيٸن قانشا قارۋ تەركٸلەنگەنٸن ايتتى.
كەيٸنٸرەك الماتى وبلىسى پروكۋرورىنىڭ ورىنباسارى مەن تالعار اۋدانىنىڭ پروكۋرورى قىزمەتٸنەن بوساتىلدى.
سونىمەن قاتار, تالعار اۋدانى ەكٸمٸ اپپاراتىنىڭ باسشىسى, حاسان قاسىمباەۆتىڭ اعاسى اسلان قاسىمباەۆ قىزمەتٸنەن كەتتٸ.
