Baýyrjan Baıbatyrov Talǵar qalasy ákiminiń orynbasary bolyp taǵaıyndaldy, - dep habarlaıdy Dalanews.kz.

Ákimdik málimetinshe, 37 jastaǵy sheneýnik 2023 jyldan bastap Talǵar aýdany ákimi apparatynyń memlekettik-quqyqtyq bóliminiń bas mamany qyzmetin atqarǵan.

Eńbek jolyn 2014 jyly Bólek aýyldyq okrýgi ákiminiń apparatynan bastap, jetekshi mamannan bas mamanǵa deıin kóterildi. 2018-2020 jyldary Eńbekshiqazaq aýdany boıynsha Memlekettik kirister basqarmasynyń bas mamany qyzmetin atqardy.

Aıta keteıik, 15 qazanda Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.

Eske salaıyq, 4 qazanda túnde Talǵarda 16 jastaǵy jasóspirim óltirildi. Qaıǵyly oqıǵa bolǵan kúni Sherzat Bolat dúkende jumys isteıtin ákesine kómektesken.

Kámeletke tolmaǵan balany óltirý deregi boıynsha Almaty oblysynyń polısıa departamenti qylmystyq is qozǵady.

Qazirgi tańda kináli dep tanylǵandar ustalyp, ýaqytsha ustaý ızolátoryna qamaýǵa alyndy.

Sonymen qatar, Almaty oblystyq polısıa departamenti bastyǵynyń mindetin atqarýshy Shalqarov tóbelesten keıin qansha qarý tárkilengenin aıtty.

Keıinirek Almaty oblysy prokýrorynyń orynbasary men Talǵar aýdanynyń prokýrory qyzmetinen bosatyldy.

Sonymen qatar, Talǵar aýdany ákimi apparatynyń basshysy, Hasan Qasymbaevtyń aǵasy Aslan Qasymbaev qyzmetinen ketti.