بٷگٸن تالعار قالاسىندا «دالا قىراندارى» جاستار قوعامدىق بٸرلەستٸگٸ مەن سپورتشىلار كەڭەسٸ سپورت پەن ەكولوگييالىق باستامانى ۇرپاقتار ساباقتاستىعىمەن ۇشتاستىرعان اۋقىمدى رەسپۋبليكالىق «جاتتىعۋ» جوباسىن باستادى, دەپ حابارلايدى dalanews.kz.
استانا مەن الماتىدان تالعارعا «دالا قىراندارى» قوعامدىق بٸرلەستٸگٸنٸڭ بٸر توپ ازاماتى كەلدٸ. ولار «ەدٸلەت» پارتيياسىنىڭ 2026–2031 جىلدارعا ارنالعان باعدارلاماسىندا كٶزدەلگەن اۋلالاردى اباتتاندىرۋ, قاۋٸپسٸز قالالىق ورتا قالىپتاستىرۋ جەنە بۇقارالىق سپورتتى دامىتۋ جٶنٸندەگٸ مٸندەتتەردٸ جٷزەگە اسىرۋعا كٸرٸستٸ.
ەندٸ «جاتتىعۋ» ناۋقانى اياسىندا رەسپۋبليكاداعى اۋلا سپورت الاڭدارى «دالا قىراندارى» جاساقتارىنىڭ قامقورلىعىنا الىنادى.
ناۋقاننىڭ نەگٸزگٸ سەرٸكتەسٸ – قازاقستاننىڭ سپورتشىلار كەڭەسٸ. كەڭەس اتىنان قاتىسۋشىلاردى گرەك-ريم كٷرەسٸنەن وليمپيادا چەمپيونى يۋريي مەلنيچەنكو قۇتتىقتادى.
– مەن ٷشٸن بٷگٸنگٸ كەزدەسۋ ٶتە ماڭىزدى. بالا كەزٸمدە وسىنداي ٸس-شارالارعا قاتىسىپ, سپورتقا قىزىعا باستادىم. ٷيٸرمەلەرگە بارىپ, نەتيجەسٸندە كٷرەستٸ تاڭدادىم جەنە بەلگٸلٸ بٸر جەتٸستٸكتەرگە جەتتٸم, – دەدٸ سپورتشى.
ونىڭ ايتۋىنشا, بۇل جولى ول اكتسيياعا نۇسقاۋشى رەتٸندە قاتىسىپ, بالالار مەن جاستاردى سپورتقا جەنە سالاۋاتتى ٶمٸر سالتىنا باۋلۋعا اتسالىسىپ وتىر.
– كٶپتەگەن ۇلى چەمپيوننىڭ جولى ٷيدٸڭ جانىنداعى قاراپايىم كەرمەدەن باستالعان. ەگەر جاسٶسپٸرٸمنٸڭ جانىنان دەر كەزٸندە تەلٸمگەر, جارامدى سپورتتىق قۇرال مەن دۇرىس ورتا تابىلسا, دەنٸ ساۋ, فيزيكالىق تۇرعىدان مىقتى ۇرپاق جەنە ۇلتتىق سپورتتىڭ قۋاتتى رەزەرۆٸ قالىپتاساتىنىنا سەنٸمدٸمٸن. بٷگٸنگٸ شارانىڭ وتانداسىمىز, تەننيسشٸ ەلەنا رىباكينانىڭ ەلەمنٸڭ بٸرٸنشٸ راكەتكاسى اتانۋىمەن تۇسپا-تۇس كەلۋٸ دە ەرەكشە مەنگە يە. بۇل – شىنىمەن دە زور جەتٸستٸك! بارلىق بالاعا دەنە شىنىقتىرۋ مەن بەلسەندٸ ٶمٸر سالتى ارقىلى ٶزٸنە قىزىقتى سپورت تٷرٸن تاڭداپ, ەلەنا سەكٸلدٸ جۇلدىزداردى ٷلگٸ تۇتىپ, ناعىز كەسٸبي سپورتشى بولۋدى تٸلەيمٸن. العا, قازاقستان! – دەدٸ يۋريي مەلنيچەنكو.
اكتسييا بارىسىندا كەسٸبي نۇسقاۋشىلاردىڭ قاتىسۋىمەن جالپى دەنە قىزدىرۋ جاتتىعۋلارى مەن جاتتىعۋ ساباقتارى ٶتكٸزٸلدٸ. سونداي-اق ۆوركاۋت جەنە باستاپقى دەنە دايىندىعى بويىنشا شەبەرلٸك ساعاتتارى مەن شاعىن تۋرنيرلەر ۇيىمداستىرىلدى. بالالار مەن جاسٶسپٸرٸمدەرگە كٶشەدەگٸ سپورتتىق قۇرالداردى دۇرىس پايدالانۋ تەحنيكاسى ٷيرەتٸلدٸ.
بٸر ساعاتتىڭ ٸشٸندە قالالىق سپورت الاڭىنىڭ كەلبەتٸ ٶزگەردٸ. الاڭ مەن كٶگالدار قوقىستان تازارتىلىپ, قوسسىرىقتار مەن كەرمەلەر بويالدى, ۇساق اقاۋلار جٶندەلٸپ, جاس كٶشەتتەر وتىرعىزىلدى.
بەلسەندٸلەرگە جاقىن ماڭداعى ٷيلەردٸڭ تۇرعىندارى دا كٶمەكتەستٸ. ولاردىڭ كٶبٸ بالالارىمەن بٸرگە كەلگەن. تۇرعىندارمەن الاڭداعى تەرتٸپتٸ ساقتاۋ ەرەجەلەرٸ جەنە الداعى تەگٸن جاتتىعۋلاردىڭ كەستەسٸ تالقىلاندى.
– بٸزدٸڭ «جاتتىعۋ» باعدارلامامىز جاستاردى ٶزٸنە تارتاتىن جاعىمدى ەرٸ دۇرىس ورتانى قالىپتاستىرادى. مۇندا سالاۋاتتى ٶمٸر سالتى سٶز جٷزٸندە عانا ەمەس, ناقتى ٸسپەن كٶرسەتٸلەدٸ. اكتسييامىز پرەزيدەنتتٸڭ «تازا قازاقستان» باستاماسىن دا قولدايدى. بٸز بٸر رەتتٸك سەنبٸلٸك ٶتكٸزۋمەن شەكتەلمەيمٸز – ەلدەگٸ سپورت الاڭدارىن تۇراقتى تٷردە قامقورلىعىمىزعا الامىز, – دەدٸ «دالا قىراندارى» جاستار قوعامدىق بٸرلەستٸگٸنٸڭ ٷيلەستٸرۋشٸسٸ دامير بەكبوسىنوۆ.
ونىڭ سٶزٸنشە, باستاما بٸر رەتتٸك جٶندەۋدەن ەلدەقايدا اۋقىمدى. ۇيىم سپورت قۇرالدارىنىڭ تەحنيكالىق جاعدايى مەن تازالىعىن باقىلاۋدى, تۇراقتى تەگٸن جاتتىعۋلار جەنە جەرگٸلٸكتٸ تۋرنيرلەر ٶتكٸزۋدٸ جوسپارلاپ وتىر.
– جوبانىڭ ماقساتى – اۋلالاردا سالاۋاتتى ورتا قالىپتاستىرىپ, تۇرعىنداردى بٸرٸكتٸرۋ ارقىلى سينتەتيكالىق ەسٸرتكٸ, الكوگول جەنە ۆانداليزم مەسەلەلەرٸمەن كٷرەسۋ. بٷگٸن مۇندا ۇيىمىمىزدىڭ جٷزگە جۋىق بەلسەندٸسٸ مەن دوسى جينالىپ, سپورت الاڭىن بٸرگە رەتكە كەلتٸردٸ. ٶيتكەنٸ تەرتٸپ – قاۋٸپسٸزدٸك پەن پايدالى ەدەتتەردٸ قالىپتاستىرۋدىڭ العاشقى قادامى. بٸزدٸڭ ماقساتىمىز كەرمە نەمەسە سپورت قۇرالدارىن جٶندەۋمەن عانا شەكتەلمەيدٸ. ٶز اۋلاسىنا جاۋاپكەرشٸلٸكپەن قارايتىن تۇرعىندار مەن جاستاردىڭ تۇراقتى قاۋىمداستىعىن قالىپتاستىرامىز, – دەدٸ دامير بەكبوسىنوۆ.
ول اكتسييانىڭ اپتا سايىن قازاقستاننىڭ 30-عا جۋىق قالاسىن قامتيتىنىن اتاپ ٶتتٸ. جوبا اشىق بٸرلەسكەن جاتتىعۋلار مەن قوعامدىق ورىندارعا ۇقىپتى قاراۋدى قالا ٶمٸرٸنٸڭ تۇراقتى داعدىسىنا اينالدىرۋدى كٶزدەيدٸ.
