تالعاردا مارقۇم شەرزات بولاتتىڭ جاقىندارىمەن جولىعۋعا كەلگەن ەكٸمنٸڭ ەرەكەتٸ كٶپشٸلٸكتٸڭ نارازىلىعىن تۋعىزدى, دەپ حابارلايدى Dalanews.kz.
وقيعا شەرزاتتىڭ تۋىستارى اۋداندىق پوليتسييا باسقارماسىنا شاعىمدانعان سەتتە ورىن العان. مۇندا اۋدان ەكٸمٸ تاڭات ايداربەكوۆ ولاردىڭ ەرەكەتٸن زاڭسىز دەپ ايىپتاپ, دٶرەكٸلٸك تانىتقان.
Stan.kz اگەنتتٸگٸنٸڭ بەينەجازباسىندا, ەكٸم شەرزاتتىڭ جاقىندارىنا بٸرنەشە رەت “زاڭ بۇزىپ تۇرسىڭدار” دەپ ەسكەرتۋ جاساعان. وسى سەتتە ەكٸمنٸڭ ۇيالى تەلەفونىنا ەلدەكٸم قوڭىراۋ شالادى. ال ەكٸم“قازٸر-قازٸر مىنا تەرپيلالار…” دەگەن جاعىمسىز سٶزدٸ قولدانادى.
ەكٸمنٸڭ بۇل ەرەكەتٸ حالىقتىڭ اشۋىن تۋعىزدى. تٸپتٸ ونىڭ وتستاۆكاعا كەتۋٸن تالاپ ەتٸپ جاتقاندار دا بار.
ەسكە سالايىق, بۇعان دەيٸن تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ فاكتٸسٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعان 7 ادام ۇستالىپ, ۋاقىتشا ۇستاۋ يزولياتورىنا قاماۋعا الىنعان.
"شەرزاتتىڭ ٸسٸ اتىشۋلى قۋاندىق بيشٸمباەۆتىڭ سوتىنان كەم ەمەس, ٶيتكەنٸ مۇندا بٷكٸل قوعامنىڭ ەدٸلدٸككە دەگەن سۇرانىسى تۇر",- دەپ پايىمدايدى وسى تۇستا DALA INSIDE.
15 مىڭ وقىرمانى بار تانىمال تەلەگرام-ارنانىڭ پايىمداۋىنشا, شەرزاتتىڭ ٸسٸندە قازاقتٸلدٸ ورتا تەك زاڭدىق نورمالاردى ساقتاۋدى عانا ەمەس, قۇقىقتىق جٷيەنٸڭ ەربٸر ەلەمەنتٸنٸڭ ەدٸل بولۋىن تالاپ ەتۋدە.
"يە, بيشٸمباەۆتىڭ ٸسٸ دە دەل وسىلاي قوعام نازارىندا بولدى. شەرزاتتىڭ ٸسٸندە ساياسي نەمەسە جوعارى دەڭگەيدەگٸ تۇلعالار بولماسا دا, قىلمىستىڭ قاتىگەزدٸگٸ مەن قوعامدىق ەسەرٸ ونى ودان دا ماڭىزدى ەتەدٸ.
مۇنداي ٸستەردە حالىقتىڭ تالابىنا جاۋاپ بەرۋ زاڭ تۇرعىسىنان عانا ەمەس, مورالدىق تۇرعىدا دا ماڭىزدى.
قوعامنىڭ تالاپ ەتٸپ وتىرعانى – ەدٸل سوت, شىنايى جازالاۋ جەنە سوت پروتسەسٸنٸڭ اشىقتىعى. مۇنداي تالاپتاردى ەلەمەۋ – حالىقتىڭ بيلٸككە دەگەن سەنٸمٸن ەلسٸرەتەتٸن قادام بولماق.
بيشٸمباەۆتىڭ ٸسٸ – جوعارى دەڭگەيدەگٸ شەنەۋنٸكتٸڭ ەيەلٸن قيناپ ٶلتٸرۋٸ جەنە بۇل ٸستٸڭ تٸكەلەي ەفيردە كٶرسەتٸلۋٸ ماڭىزدى پرەتسەدەنت ورناتتى. بۇل سوت قوعامعا ەدٸلدٸك جٷيەسٸنٸڭ اشىقتىق قاعيداسىن كٶرسەتتٸ.
بٸراق تەك اشىقتىق جەتكٸلٸكسٸز. شەرزاتتىڭ جاعدايىندا قوعام تەك زاڭدىق تۇرعىدان ەدٸلدٸككە جەتٸپ قانا قويماي, مورالدىق قاناعاتتانۋدى دا تالاپ ەتەدٸ. قوعامدا قىلمىسقا قاتىستى جاۋاپكەرشٸلٸكتٸڭ تولىقتىعى مەن ەدٸلدٸگٸ سۇرالىپ وتىرعاندا, بيلٸكتٸڭ بۇل مەسەلەنٸ ەسكەرمەۋٸ ٷلكەن ەلەۋمەتتٸك تولقىن تۋدىرۋى مٷمكٸن.
بيشٸمباەۆتىڭ كٸنەسٸن مويىنداماۋى جەنە سوت پروتسەسٸندەگٸ كٷدٸكتٸ سەتتەر ونىڭ جازادان قۇتىلىپ كەتۋ قاۋپٸن تۋدىردى. شەرزاتتىڭ ٸسٸندە ونىڭ اۋقىمىن ودان دا كەڭٸرەك قاراستىرۋ قاجەت.
حالىق تەك 7 كٷدٸكتٸنٸڭ ۇستالعانىنا كٷمەنمەن قارايدى, ٶيتكەنٸ ٸس بارىسىندا قىلمىسقا 13 ادام قاتىسقانى تۋرالى مەلٸمەتتەر بار. وقيعاعا بٸرنەشە ادام قاتىسىپ, ولاردىڭ بٸرقاتارى جازاسىز قالۋى مٷمكٸن دەگەن قاۋەسەتتەر جۇرتتىڭ نارازىلىعى مەن كٷدٸگٸن كٷشەيتۋدە.
جاسٶسپٸرٸمدەر اراسىندا زورلىق-زومبىلىقتىڭ بەلەڭ الۋى, ەسٸرەسە قىلمىستىق توپتىڭ قاتىسۋىمەن ورىن العان بۇل وقيعا جابىق ەسٸك جاعدايىندا قارالسا, كٸنەلٸلەردٸڭ جازاسىز قالۋ مٷمكٸندٸگٸن تۋعىزادى.
ەگەر بۇل ٸس جابىق تٷردە ٶتسە, بۇل تەك قانا قۇقىقتىق ەدٸلەتسٸزدٸككە جول اشپايدى, سونىمەن قاتار قوعامداعى زورلىق-زومبىلىقتىڭ جازاسىز قالۋىنا ىقپال ەتەدٸ.
بيلٸك بۇل كونتەكستە قۇقىقتىق جٷيەنٸڭ تۇراقتىلىعى تەك زاڭدارعا عانا ەمەس, قوعامنىڭ سەنٸمٸنە دە تەۋەلدٸ ەكەنٸن تٷسٸنۋٸ كەرەك",- دەيدٸ وسى ورايدا DALA INSIDE.
