الماتى وبلىسى تالعار اۋدانىنىڭ اكىمى جولان وماروۆ قايتىس بولدى، دەپ حابارلايدى Dalanews.kz. 

"وكىنىشكە وراي، وڭايشىلىقپەن سەنگىمىز كەلمەيتىن قارالى حاباردى ەستىپ وتىرمىز، قىسقا ۋاقىت ىشىندە ءبىزدىڭ اۋدانعا كوپ نارسە جاساپ ۇلگەرگەن جاقسى ادامىمىز - اكىمىمىزدەن ايىرىلىپ قالدىق"، دەلىنگەن ءىnstagram-داعى kris_p_talgar پاراقشاسىندا.

اكىمدىكتىڭ حابارلاۋىنشا، ول بۇگىن تاڭەرتەڭ پنيەۆمونيادان قايتىس بولعان.

جولان وماروۆ 2019 جىلدىڭ قىركۇيەگىندە تالعار اۋدانىنىڭ اكىمى بولىپ تاعايىندالدى.

ول 1979 جىلى 7 شىلدەدە دۇنيەگە كەلگەن، ۇيلەنگەن، ءتورت بالاسى بار.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن زاڭگەر، قازاق ۇلتتىق اگرارلىق ۋنيۆەرسيتەتىن كاداستر باكالاۆرى ماماندىقتارى بويىنشا بىتىرگەن.

ەڭبەك جولىن «كيرزاۆود-1» ج ش س اتقارۋشى ديرەكتورى بولىپ باستادى.

ءار جىلدارى «كيرزاۆود-1» ج ش س باس ديرەكتورىنىڭ ورىنباسارى، «الماتىجەر ءعوو» ەمك الماتى فيليالى زاڭ سەكتورىنىڭ مامانى، قاسكەلەڭ جەر-كاداسترلىق فيليالىنىڭ باسشىسى، «الماتىجەر ءعوو» ەمك ديرەكتورىنىڭ ءبىرىنشى ورىنباسارى، ديرەكتوردىڭ مىندەتىن اتقارۋشى، قازاقستان رەسپۋبليكاسى جەر رەسۋرستارىن باسقارۋ اگەنتتىگىنىڭ «جەر كاداسترى عىلىمي-وندىرىستىك ورتالىعى» شجق رمك الماتى وبلىستىق فيليالى ديرەكتورىنىڭ مىندەتىن اتقارۋشى، الماتى وبلىستىق جەر قاتىناستارى باسقارماسىنىڭ باس مامانى، وبلىستىق تۋريزم باسقارماسىنىڭ ءبولىم باسشىسى قىزمەتتەرىن اتقارعان. 2014 جىلدىڭ تامىز ايىنان باستاپ الماتى وبلىستىق جەر قاتىناستارى باسقارماسىنىڭ باسشىسى بولدى.

كەيىن رايىمبەك اۋدانىنىڭ اكىمى بولعان.

بۇگىنگى كۇنگە دەيىن جولان ىبىراياقىن ۇلى تالعار اۋدانىنىڭ اكىمى قىزمەتىندە بولعان.

جولان وماروۆ جايىندا بەلگىلى اقىن جاناربەك ءاشىمجان كۇڭىرەنە جازىپ، مارقۇمدى كەيىنگى بۋىننىڭ ىشىندە وزا شاۋىپ، ەلدىڭ كوشىن باستاعان ساناۋلى ساڭلاققا تەڭەدى.

“رايىمبەك اۋدانىن ساتىمەن تۇلەتىپ،  تالعار حالقىن دا رەتىمەن قۋانتىپ كەلە جاتىر ەدىڭ عوي…

سەنىم مەن ءۇمىتتىڭ، جاۋاپكەرشىلىك پەن ناتيجەنىڭ ءقادىرىن ارتتىرعان، ەل-حالىقتىڭ جاعدايىنان باسقا ۋايىمىڭ جوق ەدى. ناعىز كەمەلىڭە كەلگەن شاعىڭ ەدى. جاساعان بەرگەن جان باۋىرىم-اي. ءىنىم-اي اڭقىلداعان اقجۇرەگىم! بالداعى التىن سەمسەرىم-اي!

… نەشە كۇننەن بەرى جۇرەگىم سۋىلداپ ءجۇر ەدى. دۇعا تىلەپ ەدىم. “جاماندىقتىڭ الدىن جاقسى جاڭالىقتار الادى” دەپ，كوڭىلدى نوتالارمەن نازاردى باسقا جاققا بۇرۋعا تىرىسىپ باعىپ ەدىك… “جولانتاي，باتىر عوي，ءبارىن جەڭىپ تىك تۇرىپ كەتسە ەكەن” دەپ قۇداي تاعالادان تىلەپ ەدىك.

سەنى كورگەن سايىن القىمىن ءاپپاق ساقالى جاپقان 80-90-داعى الىپ ابىز قاريا كوز الدىما كەلەتىن ەدى.
كورمەگەن كوشەڭدە جاراتقان يەم پاناسىنا السىن，جارىعىم. يمان نۇرىڭ پەيىشتىڭ تورىندە شالقىسىن. قانداي قيىن… مەملەكەتكە كەرەك ەڭ ساپالى ازاماتتاردىڭ ءبىرى كەتتى ارامىزدان”، – دەپ جازدى اقىن الەۋمەتتىك جەلىدەگى پاراقشاسىندا.