تالدىقورعاندا ستۋدەنتتٸڭ ٶلٸمٸنە قاتىستى قىلمىستىق ٸس پوليتسييانىڭ ەرەكشە باقىلاۋىنا الىندى, دەپ حابارلايدى dalanews.kz.
مارقۇم جٸگٸتتٸڭ اناسىنىڭ ايتۋىنشا, 7 مامىر كٷنٸ كەشكە ۇلى دوستارىمەن فۋتبول كٶرۋگە كەتكەن. ولار جينالعان پەتەردە شامامەن ون شاقتى جاس بولعان.
وتىرىستا جاستاردىڭ اراسىندا جانجال شىعىپ, كەيٸن جٸگٸتتەر دالاعا شىققان. بٸراز ۋاقىتتان سوڭ ولار قايتا كەزدەسكەن.
اناسىنىڭ سٶزٸنشە, سول كەزدە مەكتەپ وقۋشىسى جەڭگٸردٸ قايتا شاقىرىپ الىپ, وعان بٸرنەشە رەت پىشاق سۇققان. ستۋدەنت التى جەرٸنەن جارالانىپ, وقيعا سالدارىنان قايتىس بولعان.
جەتٸسۋ وبلىسىنىڭ پوليتسيياسى كٷدٸكتٸنٸڭ ۇستالىپ, ۋاقىتشا ۇستاۋ يزولياتورىنا قامالعانىن حابارلادى. سوت ونى قاماۋعا الۋعا سانكتسييا بەرگەن.
قازٸر تەرگەۋشٸلەر وقيعانىڭ قالاي بولعانىن انىقتاپ جاتىر. جانجالعا قاتىسقان ادامداردان جاۋاپ الىنىپ, ساراپتامالار تاعايىندالعان.
وبلىستىق پوليتسييا دەپارتامەنتٸنٸڭ باسشىلىعى ٸستٸڭ تەرگەلۋٸن ەرەكشە باقىلاۋعا العان.
