Taldyqorǵanda stýdenttiń ólimine qatysty qylmystyq is politsiianyń erekshe baqylaýyna alyndy, dep habarlaidy dalanews.kz.
Marqum jigittiń anasynyń aitýynsha, 7 mamyr kúni keshke uly dostarymen fýtbol kórýge ketken. Olar jinalǵan páterde shamamen on shaqty jas bolǵan.
Otyrysta jastardyń arasynda janjal shyǵyp, keiin jigitter dalaǵa shyqqan. Biraz ýaqyttan soń olar qaita kezdesken.
Anasynyń sózinshe, sol kezde mektep oqýshysy Jáńgirdi qaita shaqyryp alyp, oǵan birneshe ret pyshaq suqqan. Stýdent alty jerinen jaralanyp, oqiǵa saldarynan qaitys bolǵan.
Jetisý oblysynyń politsiiasy kúdiktiniń ustalyp, ýaqytsha ustaý izoliatoryna qamalǵanyn habarlady. Sot ony qamaýǵa alýǵa sanktsiia bergen.
Qazir tergeýshiler oqiǵanyń qalai bolǵanyn anyqtap jatyr. Janjalǵa qatysqan adamdardan jaýap alynyp, saraptamalar taǵaiyndalǵan.
Oblystyq politsiia departamentiniń basshylyǵy istiń tergelýin erekshe baqylaýǵa alǵan.
