الدىمەن الماتى وبلىسى اكىمدىگى مەن ارداگەرلەر كوماندالارىنىڭ اراسىندا فۋتبولدان جولداستىق كەزدەسۋ وتكىزىلدى. وبلىس اكىمى اماندىق باتالوۆ اكىمدىك كومانداسىنىڭ كاپيتانى رەتىندە ويىنعا قاتىستى. ماچ 2:2 ەسەبىمەن تەڭ اياقتالدى.
فۋتبولشى بالالاردى مەرەكەمەن قۇتتىقتاعان ا.باتالوۆ دەنەشىنىقتىرۋدىڭ ءمان-ماڭىزى تۋرالى ايتا كەلە، سپورتتىڭ قاي جاستا دا پايدالى ەكەنىن اتاپ ءوتتى. كەشەگى مىقتى سپورتشىلاردىڭ ءبىرازى وسى ماچتا بالالارعا ۇلگى رەتىندە دوپ تەپكەنىن دە تىلگە تيەك ەتتى.
– ءقازىر تالدىقورعاندا سپورتتىق نىساندار ءبىرشاما بار. وعان قوسا ءجۇزۋ باسسەينىن سالىپ جاتىرمىز. سونىڭ ءبارى سەندەر سياقتى جاس بالالاردىڭ بولاشاعى ءۇشىن. سپورتتى جاقسى كورىڭدەر، سپورتپەن اينالىسىڭدار، جامان ادەتتەردەن اۋلاق بولىڭدار. بولاشاقتا سەندەردىڭ ارالارىڭنان فۋتبولدىڭ اڭىزىنا اينالاتىن مىقتى سپورتشىلار شىعۋىنا تىلەكتەسپىن! – دەدى ا.باتالوۆ. قۇتتىقتاۋ سوزدەن كەيىن اۋلا كلۋبتارىنىڭ ويىنشىلارىنا فۋتبول دوپتارى تاراتىلدى. وسى كۇنى جالپى سانى 1 مىڭ دوپ بەرىلدى.
جاس اياقدوپشىلار اتىنان زيدەلحان احمادي سويلەپ، سپورتسۇيەر بالالارعا جاسالىپ وتىرعان بارلىق قامقورلىقتار ءۇشىن راقمەت ايتتى.
مەرەكە اياسىندا «جەتىسۋ» فك ويىنشىلارىنىڭ قولتاڭباسى قويىلعان دوپتار دا بالالارعا سىيعا تارتىلدى.
الماتى وبلىسى اكىمىنىڭ باسپا ءسوز قىزمەتى.
