Aldymen Almaty oblysy ákimdigi men ardagerler komandalarynyń arasynda fýtboldan joldastyq kezdesý ótkizildi. Oblys ákimi Amandyq Batalov ákimdik komandasynyń kapitany retinde oiynǵa qatysty. Match 2:2 esebimen teń aiaqtaldy.
Fýtbolshy balalardy merekemen quttyqtaǵan A.Batalov deneshynyqtyrýdyń mán-mańyzy týraly aita kele, sporttyń qai jasta da paidaly ekenin atap ótti. Keshegi myqty sportshylardyń birazy osy matchta balalarǵa úlgi retinde dop tepkenin de tilge tiek etti.
– Qazir Taldyqorǵanda sporttyq nysandar birshama bar. Oǵan qosa júzý basseinin salyp jatyrmyz. Sonyń bári sender siiaqty jas balalardyń bolashaǵy úshin. Sportty jaqsy kórińder, sportpen ainalysyńdar, jaman ádetterden aýlaq bolyńdar. Bolashaqta senderdiń aralaryńnan fýtboldyń ańyzyna ainalatyn myqty sportshylar shyǵýyna tilektespin! – dedi A.Batalov. Quttyqtaý sózden keiin aýla klýbtarynyń oiynshylaryna fýtbol doptary taratyldy. Osy kúni jalpy sany 1 myń dop berildi.
Jas aiaqdopshylar atynan Zidelhan Ahmadi sóilep, sportsúier balalarǵa jasalyp otyrǵan barlyq qamqorlyqtar úshin raqmet aitty.
Mereke aiasynda «Jetisý» FK oiynshylarynyń qoltańbasy qoiylǵan doptar da balalarǵa syiǵa tartyldy.
Almaty oblysy ákiminiń baspasóz qyzmeti.
