وسى كۇنى "جەتىسۋ" ستاديونىندا ءبىرىنشى ليگانىڭ 26-شى فينالدىق ماچى ءوتىپ، ويىن قورىتىندىسىندا تالدىقورعاندىق "جەتىسۋ" پەتروپاۆلدىڭ "قىزىلجار" كومانداسىن 2:0 ەسەبىمەن ۇتتى. جينالعانداردى قۇتتىقتاعان وبلىس اكىمى ا.باتالوۆ:
– قۇرمەتتى «جەتىسۋ» فۋتبول كلۋبىنىڭ ويىنشىلارى مەن جەتەكشىلەرى!بيىلعى جىلى كوماندا الدىنا قويعان مىندەتتەردى ورىنداپ، جانكۇيەرلەرىنىڭ سەنىمىن اقتادى. ءبىرىنشى ليگادا ءساتتى ويىن كورسەتە وتىرىپ، چەمپيونات اياقتالعانعا 5 تۋر قالعاندا مەرزىمىنەن بۇرىن پرەمەر-ليگا ماۋسىمىنا ءوتۋ قۇقىعىنا يە بولدى. بۇل رۋحتىڭ مىقتىلىعىنىڭ، جەڭىسكە دەگەن قۇشتارلىقتىڭ، جاتتىقتىرۋشىلاردىڭ، ويىنشىلار مەن باسشىلىقتىڭ بىرلەسكەن تاباندى ەڭبەگىنىڭ ناتيجەسى. ەندىگى باستى ماقسات – 2018 جىلعى پرەمەر-ليگا كوماندالارىنىڭ اراسىندا قازاقستان چەمپيوناتىندا كاسىبي دەڭگەيدە ونەر كورسەتۋ، العاشقى قاتاردان ورىن الىپ، جانكۇيەرلەردى جەڭىسپەن قۋانتۋ. سىزدەرگە بۇدان ءارى دە بەرەكە-بىرلىك، ساتتىلىك پەن جەڭىستەر تىلەيمىن! – دەدى.
مۇنان سوڭ جەتىسۋلىقتاردى قازاقستان فۋتبول فەدەراسياسىنىڭ پرەزيدەنتى سەيىلدا بايشاقوۆ قۇتتىقتادى.
سالتاناتتى جيىن ماراپاتتاۋمەن جالعاسىپ، فۋتبولدان وتكەن XXVI قازاقستان چەمپيوناتىندا ءبىرىنشى ليگا كوماندالارىنىڭ اراسىندا I ورىندى يەلەنگەن «جەتىسۋ» كاسىبي فۋتبول كلۋبىنىڭ ويىنشىلارى ارنايى مەدالدارمەن، كۋبكوكتارمەن، سول سياقتى وبلىس اكىمىنىڭ قۇرمەت گراموتالارىمەن، العىس حاتتارىمەن ماراپاتتالدى. ويىنشىلاردى وبلىس اكىمى اماندىق باتالوۆ ماراپاتتادى.
ءىى ورىندى يەلەنگەن «قىزىلجار» كومانداسىنىڭ ويىنشىلارىنا ماراپاتتى قازاقستان فۋتبول فەدەراسياسىنىڭ پرەزيدەنتى سەيىلدابايشاقوۆتابىستادى.
سالتاناتتى شارا كونسەرتتىك باعدارلامامەن اياقتالدى.
اتاپ وتسەك، الماتى وبلىسىندا فۋتبولدىڭ دامۋىنا ەرەكشە نازار اۋدارىلىپ كەلەدى. قازىرگى كەزدە وڭىردە فۋتبولمەن 111 مىڭ ادام اينالىسادى. وبلىستا 900-گە جۋىق فۋتبول الاڭدارى مەن 22 ستاديون جۇمىس ىستەيدى.
الماتى وبلىسى اكىمىنىڭ باسپا ءسوز قىزمەتى.
