Osy kúni "Jetisý" stadionynda birinshi liganyń 26-shy finaldyq matchy ótip, oiyn qorytyndysynda taldyqorǵandyq "Jetisý" Petropavldyń "Qyzyljar" komandasyn 2:0 esebimen utty. Jinalǵandardy quttyqtaǵan oblys ákimi A.Batalov:
– Qurmetti «Jetisý» fýtbol klýbynyń oiynshylary men jetekshileri!Biylǵy jyly komanda aldyna qoiǵan mindetterdi oryndap, jankúierleriniń senimin aqtady. Birinshi ligada sátti oiyn kórsete otyryp, chempionat aiaqtalǵanǵa 5 týr qalǵanda merziminen buryn Premer-liga maýsymyna ótý quqyǵyna ie boldy. Bul rýhtyń myqtylyǵynyń, jeńiske degen qushtarlyqtyń, jattyqtyrýshylardyń, oiynshylar men basshylyqtyń birlesken tabandy eńbeginiń nátijesi. Endigi basty maqsat – 2018 jylǵy Premer-liga komandalarynyń arasynda Qazaqstan chempionatynda kásibi deńgeide óner kórsetý, alǵashqy qatardan oryn alyp, jankúierlerdi jeńispen qýantý. Sizderge budan ári de bereke-birlik, sáttilik pen jeńister tileimin! – dedi.
Munan soń jetisýlyqtardy Qazaqstan Fýtbol federatsiiasynyń prezidenti Seiildá Baishaqov quttyqtady.
Saltanatty jiyn marapattaýmen jalǵasyp, fýtboldan ótken XXVI Qazaqstan Chempionatynda birinshi liga komandalarynyń arasynda I oryndy ielengen «Jetisý» kásibi fýtbol klýbynyń oiynshylary arnaiy medaldarmen, kýbkoktarmen, sol siiaqty oblys ákiminiń qurmet gramotalarymen, alǵys hattarymen marapattaldy. Oiynshylardy oblys ákimi Amandyq Batalov marapattady.
II oryndy ielengen «Qyzyljar» komandasynyń oiynshylaryna marapatty Qazaqstan Fýtbol federatsiiasynyń prezidenti SeiildáBaishaqovtabystady.
Saltanatty shara kontserttik baǵdarlamamen aiaqtaldy.
Atap ótsek, Almaty oblysynda fýtboldyń damýyna erekshe nazar aýdarylyp keledi. Qazirgi kezde óńirde fýtbolmen 111 myń adam ainalysady. Oblysta 900-ge jýyq fýtbol alańdary men 22 stadion jumys isteidi.
Almaty oblysy ákiminiń baspasóz qyzmeti.
