– قالا تۇرعىندارى مەن قوناقتار بارلىق قويىلىمدى تەگٸن تاماشالاي الادى. «وربۇلاق شايقاسىن» ساحنالاۋ ٸسٸنە سول كەزدە قازاق جەنە جوڭعار ساربازدارىنىڭ كيمٸن كيگەن 500-600 ادام قاتىسپاقشى.
تاريحي شايقاستى ساحنالاۋ ٸسٸنە اكتەرلەر مەن كاسكادەرلەردەن بٶلەك پيروتەحنيك ماماندار مەن ٶزگە دە تەحنيكالىق قىزمەتكەرلەر قاتىساتىن بولادى.
بۇل شارانىڭ باستى ەرەكشەلٸگٸ رەتٸندە ەلٸمٸزدە مۇنداي تاريحي شايقاس مۇنشاما اۋقىمدى كٶلەمدە ساحنالانباعان. سول سەبەپتٸ وسى ٸس-شاراعا حالىق قاتتى قىزىعۋشىلىق تانىتىپ وتىر.
بٸزدە الداعى ۋاقىتتا وسى ٸس-شارانى دەستٷرگە اينالدىرۋدى كٶزدەپ وتىرمىز. ٶزدەرٸڭٸزدە بٸلەسٸزدەر, مەسكەۋ ماڭىندا «بورودينا شايقاسىن» ورىستار ايرىقشا ەسپەتتەپ, ٶتكەن تاريحىنا قۇرمەت كٶرسەتەدٸ. قازاق تاريحىندا باتىر بابالارىمىزدىڭ ەرلٸگٸن ماقتان ەتەتٸن تالاي شايقاستار بولعانى بەلگٸلٸ. سولاردىڭ اراسىندا «وربۇلاق شايقاسىنىڭ» ورىنى ٶتە ەرەكشە, – دەپ رۋستام الپىسباەۆ الداعى سەنبٸ كٷنٸ ٶتەتٸن شاراعا تٷسٸنٸكتەمە بەردٸ.
تاريحقا كٶز جٷگٸتسەك, «وربۇلاق شايقاسى» 1643 جىلى قازٸرگٸ جەتٸسۋ جەرٸندە ورىن العا شەشۋشٸ شايقاستاردىڭ بٸرٸ. ايتۋلى شايقاستا سالقام جەڭگٸر ٶزٸنٸڭ 600 ساربازىمەن جالاڭتٶس باھادٷر كٶمەككە كەلگەنشە, جوڭعاردىڭ ون مىڭداعان ەسكەرٸنە قارسى تۇرىپ, سوعىس ٶنەرٸنٸڭ تاماشا ٷلگٸسٸن كٶرسەتكەن بولاتىن.
تاريحشىلار «وربۇلاق شايقاسىن» 300 سپارتالىق جاۋىنگەردٸڭ فەرموپيلدەگٸ شايقاسىنان بٸر مىسقىلدا كەم ەمەستٸگٸن العا تارتادى.
سوندىقتان الماتى وبلىسى ەكٸمدٸگٸ ۇيىمداستىرىپ وتىرعان بۇل شارا «رۋحاني جاڭعارۋ» باعدارلاماسى اياسىندا ۇيىمداستىرىلعان شوقتىعى بيٸك, رۋحاني-مەدەني ماڭىزى زور قويىلىم بولايىن دەپ تۇر دەسەك ارتىق ايتقاندىق بولماس ەدٸ.
المىت وبلىسىندا دەل وسى شارا 2015 جىلى قازاق حاندىعىنىڭ 550 جىلدىعى ايسىندا العاش رەت ۇيىمداستىرىلعانىن ەستەرٸڭٸزگە سالا كەتەمٸز. ال بۇل جولى وعان قاتىسۋشىلاردىڭ سانى ارتىپ, شارانىڭ اۋقىمى كەڭەيٸپ وتىرعانىن ايتا كەتۋٸمٸز كەرەك.
نۇرلان جۇماحان
