– Qala turǵyndary men qonaqtar barlyq qoiylymdy tegin tamashalai alady. «Orbulaq shaiqasyn» sahnalaý isine sol kezde qazaq jáne jońǵar sarbazdarynyń kimin kigen 500-600 adam qatyspaqshy.
Tarihi shaiqasty sahnalaý isine akterler men kaskaderlerden bólek pirotehnik mamandar men ózge de tehnikalyq qyzmetkerler qatysatyn bolady.
Bul sharanyń basty ereksheligi retinde elimizde mundai tarihi shaiqas munshama aýqymdy kólemde sahnalanbaǵan. Sol sebepti osy is-sharaǵa halyq qatty qyzyǵýshylyq tanytyp otyr.
Bizde aldaǵy ýaqytta osy is-sharany dástúrge ainaldyrýdy kózdep otyrmyz. Ózderińizde bilesizder, Máskeý mańynda «Borodina shaiqasyn» orystar airyqsha áspettep, ótken tarihyna qurmet kórsetedi. Qazaq tarihynda batyr babalarymyzdyń erligin maqtan etetin talai shaiqastar bolǵany belgili. Solardyń arasynda «Orbulaq shaiqasynyń» oryny óte erekshe, – dep Rýstam Alpysbaev aldaǵy senbi kúni ótetin sharaǵa túsinikteme berdi.
Tarihqa kóz júgitsek, «Orbulaq shaiqasy» 1643 jyly qazirgi Jetisý jerinde oryn alǵa sheshýshi shaiqastardyń biri. Aitýly shaiqasta Salqam Jáńgir óziniń 600 sarbazymen Jalańtós bahadúr kómekke kelgenshe, jońǵardyń on myńdaǵan áskerine qarsy turyp, soǵys óneriniń tamasha úlgisin kórsetken bolatyn.
Tarihshylar «Orbulaq shaiqasyn» 300 spartalyq jaýyngerdiń Fermopildegi shaiqasynan bir mysqylda kem emestigin alǵa tartady.
Sondyqtan Almaty oblysy ákimdigi uiymdastyryp otyrǵan bul shara «Rýhani jańǵarý» baǵdarlamasy aiasynda uiymdastyrylǵan shoqtyǵy biik, rýhani-mádeni mańyzy zor qoiylym bolaiyn dep tur desek artyq aitqandyq bolmas edi.
Almyt oblysynda dál osy shara 2015 jyly Qazaq handyǵynyń 550 jyldyǵy aisynda alǵash ret uiymdastyrylǵanyn esterińizge sala ketemiz. Al bul joly oǵan qatysýshylardyń sany artyp, sharanyń aýqymy keńeiip otyrǵanyn aita ketýimiz kerek.
Nurlan JUMAHAN
