كوتتەدج قالاشىعىنىڭ بەكٸتٸلگەن ەگجەي-تەگجەيلٸ جوسپارلاۋ جوباسى بويىنشا جالپى اۋدانى 56,6 مىڭ شارشى مەتر, قۇنى 8,5 ملرد.تەڭگە بولاتىن 620 جەكە تۇرعىن ٷي قۇرىلىسى قاراستىرىلعان.
بٷگٸنگٸ كٷنگە دەيٸن اۋماعى 19,5 مىڭ شارشى مەتردٸ قۇرايتىن 228 كوتتەدجگە حالىق قونىستانعان. مۇنىمەن ٶڭٸر حالقىن باسپانامەن قامتۋ ٸسٸ تولاستاپ قالمادى. ەلٸمٸزدٸڭ باستى مەرەكەسٸنە وراي, اۋدانى 12,3 مىڭ شارشى مەتر بولاتىن 120 ٷي قولدانىسقا بەرٸلدٸ.
اتالعان نىساندى سالۋعا 887,0 ملن تەڭگە قارجى جۇمسالعان. ەل يگٸلٸگٸنە بەرٸلگەن بۇل ٷيلەر 12 بٶلٸككە بٶلٸنگەن, ەر بٶلٸمدە 4 ٷي جاپسارلاسا سالىنعان. بۇل ٶڭٸر باسشىلىعىنىڭ تۇرعىندارعا دەگەن قامقورلىعى.
– قۇرمەتتٸ تالدىقورعاندىقتار, قىمباتتى قوناقتار, ۇلى مەرەكەمٸز تەۋٸلسٸزدٸك مەيرامى قۇتتى بولسىن! ەلباسىنىڭ باستاماسىمەن, پرەزيدەنتٸمٸز قاسىم-جومارت كەمەلۇلىنىڭ قولداۋىمەن ٸسكە اسىرىلعان «نۇرلى جەر» باعدارلاماسى ارقىلى حالىق باسپانالى بولىپ جاتىر. بۇل سونىڭ نەتيجەسٸ. ەكٸ جىلدا وبلىستا كٶپ ٶزگەرٸس بولىپ, تۇرعىن ٷيلەردٸڭ قۇرىلىسى قارقىندى جٷرٸپ جاتىر. ەكٸ جىل الدى سالىنعان ٷيلەردٸڭ اۋدانى 79 مىڭ شارشى مەتر بولسا, بيىل ول كٶرسەتكٸش 131 مىڭعا جەتٸپ وتىر. كەلەر جىلى 211 مىڭ شارشى مەتردەن اسادى دەگەن ماقساتىمىز بار. ٷيلەرٸڭٸز جانعا تولسىن, قۋانىشتارىڭىز ۇزاعىنان بولسىن, – دەدٸ قۇتتىقتاۋ سٶزٸندە وبلىس ەكٸمٸنٸڭ بٸرٸنشٸ ورىنباسارى لەززات تۇرلاشەۆ.
جاڭا ٷيلەرگە تابيعي گازعا قوسىلعان. سونداي-اق, سۋ قۇبىرى ورناتىلىپ, كەرٸز جٷيەسٸ تارتىلعان. كٶپشٸلٸككە پايدالانۋعا بەرٸلگەن باسپانانىڭ قۇرىلىسىن «تەحنوسناب 2002» جشس جٷرگٸزگەن. دەل وسى كٷنٸ قۇتتى شاڭىراعىنا قول جەتكٸزگەندەردٸڭ قاتارىندا مٷمكٸندٸگٸ شەكتەۋلٸ جاندار مەن ولارعا قاراۋشى ازاماتتار, مەديتسينا قىزمەتكەرلەرٸ, زەينەتكەرلەر مەن تۇرعىن ٷي قۇرلىس جيناق بانكنٸڭ سالىمشىلارى جەنە تولىق ەمەس وتباسىلار دا بار.
ۇلىق مەيرامنىڭ قارساڭىندا جاڭا ٷيگە قونىستانۋشىلاردىڭ بٸرٸ اق حالاتتى ابزال جان, ەلدوس سمايىلوۆ.
الماتى وبلىسىندا مەملەكەتتٸڭ ارقاسىندا ٷيگە قولى جەتكەندەر تەك جانكەشتٸ ماماندىق يەلەرٸ عانا ەمەس, تولىق ەمەس وتباسىنىڭ ٶكٸلدەرٸ دە بار. ٶڭٸر ٶركەندەسٸن دەسە ەلدٸڭ جاعدايى جاقسارۋى تيٸس دەگەن ۇستانىمدى نازارعا العان جەتٸسۋ جەرٸنٸڭ باسشىلىعى مۇنداي ازاماتتارعا بارىنشا قامقورلىق كٶرسەتٸپ كەلەدٸ.
بۇل قاتاردان قالا تۇرعىنى شولپان مۇحامەدجانوۆانى دا كٶرۋگە بولادى.
– بٷگٸن اق تٷيەنٸڭ قارنى جارىلعان كٷن. كٶپتەن كٷتكەن كەزەگٸم كەلدٸ. جالعىز باستى انامىن. كٶزٸمنٸڭ اعى مەن قاراسى بولعان قىزىمدى ٶزٸم جەتكٸزدٸم. قانشا قيىندىق بولسا دا جاقسىلىقتان كٷدەرٸمدٸ ٷزبەدٸم. بٷگٸن سول ٷمٸتٸم اقتالدى. ەلٸنٸڭ ەرتەڭٸ مەن جاي-كٷيٸن ويلاعان مەملەكەتٸمٸزگە راحمەت, – دەدٸ ٶز سٶزٸندە.
الداعى ۋاقىتتا دا جاڭا قونىستىڭ كٸلتٸ تابىستالادى. مەسەلەن, اعىمداعى جىلدىڭ 30 جەلتوقسانىنا جالپى اۋدانى 12,2 مىڭ شارشى مەتر 133 ٷيدٸ پايدالانۋعا بەرۋ جوسپارلانعان. نەگٸزٸندە بيىل جىلى اۋماعى 24,8 مىڭ شارشى مەتر بولاتىن 253 كوتتەدجدٸڭ قۇرىلىسى جٷرگٸزٸلۋدە.
2021 جىلى كٶلەمٸ 12,6 مىڭ شارشى مەتر 139 كوتتەدجدٸ پايدالانۋعا بەرۋ كٶزدەلگەن, ونىڭ ٸشٸندە:
-بيۋدجەت قاراجاتى ەسەبٸنەن جالپى اۋدانى 9,0 مىڭ ش. م. 96 كوتتەدج ٷي;
- جەكە ينۆەستيتسييالار ەسەبٸنەن 3,6 مىڭ شارشى مەتر 43 كوتتەدج ٶز يەسٸن تابادى دەپ كٷتٸلۋدە.
انار سابىروۆا, الماتى وبلىسى.
