تالدىقورعان. قالا كٷنٸندە سۋ جاڭا گازبەن جٷرەتٸن جاڭا اۆتوبۋستار پايدالانۋعا بەرٸلدٸ
– قالا كٷنٸنە وراي تالدىقورعاندىقتاردى تيٸمدٸ سىيلىق – جولاۋشى تاسىمالىنا جاڭا اۆتوبۋس شىعارۋ ارقىلى قۋانتۋدى ويلاستىردىق. بۇل ٶتە ماڭىزدى مٸندەت دەپ بٸلەمٸن. ٶيتكەنٸ, جولاۋشى تاسىمالدايتىن كومپانييالاردىڭ اۆتوپاركتەرٸن جاڭارتۋعا مٷمكٸندٸگٸ جوق بولاتىن. بٸز ولارعا «جەتٸسۋ» ەلەۋمەتتٸك كەسٸپكەرلٸك كورپوراتسيياسى ارقىلى 2,3 ميلليارد تەڭگەدەن استام قارجىعا اۆتوبۋس ساتىپ الىپ, ليزينگكە بەرٸپ وتىرمىز. بۇل اۆتوبۋستاردىڭ ەڭ باستى ەرەكشەلٸگٸ – تازا تابيعي ٶنٸم گازبەن جٷرەتٸندٸگٸندە. ول ٷشٸن قالادا ارنايى گاز تولتىراتىن كومپرەسسورلىق ستانسى تۇرعىزدىق. جەرگٸلٸكتٸ بيۋدجەتتٸڭ ەسەبٸنەن تٷرلٸ دەڭگەيدەگٸ جولاۋشىلار – مەكتەپ وقۋشىلارىنىڭ, ستۋدەنتتەردٸڭ, ارداگەرلەر مەن باسقا دا كٶپتەگەن جولاۋشىنىڭ تەگٸن جٷرۋٸنە جاعداي جاساپ وتىرمىز. مۇنىڭ بەرٸ حالىق ٷشٸن. تاعى دا مەرەكەلەرٸڭٸزبەن قۇتتىقتاي وتىرىپ, بارشا جاقسىلىقتى تٸلەيمٸن, – دەگەن وبلىس ەكٸمٸ اماندىق باتالوۆ.
كەيٸن تۇرعىنداردىڭ اتىنان سٶز العان تالدىقورعان قالاسىنىڭ قۇرمەتتٸ ازاماتى مۇرات حالىق قالانىڭ 20 جىلدىڭ ٸشٸندەگٸ كٶركەيۋٸنە توقتالدى.
– مەنٸڭ تالدىقورعاندا تۇرىپ جاتقانىما 67 جىل بولدى. ول كەزدە بارلىعى 14 كٶشەسٸ بار شاعىن عانا قالا ەدٸ. بار-جوعى 18-20 مىڭ تۇرعىنى بولاتىن. بٷگٸنگٸ قالانىڭ قالاي ٶسكەنٸنە قاراڭىزشى, جەتٸسۋ جەرٸنٸڭ ەكٸمشٸلٸك ورتالىعى بولعان 20 جىلدىڭ ٸشٸندە كٶركەيٸپ, دامىپ, ۇلعايىپ, ٶستٸ. وسى ٶزگەرٸستەردٸڭ بەرٸ مەنٸڭ كٶز الدىمدا ٶتتٸ. تالدىقورعاننىڭ تاريحى قىزىقتى, مەدەنيەتٸ تەرەڭ. وعان ەربٸر تۇرعىن ٶز ٷلەسٸن قوسىپ كەلەدٸ. ەندەشە, سٷيٸكتٸ شاھارىمىز ٶسٸپ-ٶنٸپ, كٶركەيە بەرسٸن, گٷلدەنسٸن دەپ تٸلەيٸك. زاماناۋي كەلبەتٸن بەرٸمٸز جاقسى كٶرە بەرەيٸك, – دەگەن ارداگەر كٶپشٸلٸكتٸ قالا كٷنٸمەن قۇتتىقتاپ, اقساقالدىق باتاسىن بەردٸ.
جاڭا اۆتوبۋستار پايدالانۋعا بەرٸلٸپ, باعىتتارعا شىعارىلعان سوڭ قالا قوناقتارى مەن تۇرعىندار زاماناۋي كٶلٸكتەردٸڭ مٷمكٸندٸگٸ مەن ەرەكشەلٸگٸمەن تانىستى. قالا تۇرعىندارىنىڭ كٶپشٸلٸگٸ ەلەۋمەتتٸك جەلٸلەرگە العان ەسەرلەرٸن بٶلٸسٸپ, ارنايى جازبا قالدىرۋدا.
وبلىستىق ەكٸمشٸلٸك ورتالىقتىڭ تالدىقورعان قالاسىنا اۋىسۋىنا 20 جىل تولۋىنا ارنالعان شارالار اياسىندا قالالىق اۆتوپارككە «يۋتونگ» جەنە پاز ماركالى 32 اۆتوبۋس بەرٸلدٸ. ودان بٶلەك, جىل سوڭىنا دەيٸن تاعى 23 اۆتوبۋس قالاعا كەلەدٸ. سىيىمدىلىعى 55-تەن 67 ادامعا دەيٸن جەتەتٸن جاڭا اۆتوبۋستارعا بەينەباقىلاۋ كامەرالارى, كونديتسيونەر, ەلەكترلٸ بيلەت بەرۋ قۇرىلعىسى ورناتىلىپ, مٷمكٸندٸگٸ شەكتەۋلٸ جاندارعا ارنالعان ورىندار قاراستىرىلعان. جالپى, جەرگٸلٸك بيۋدجەتتٸڭ ەسەبٸنەن جولاۋشى تاسىمالىمەن اينالىساتىن كومپانييالاردى قولداۋ جالعاسا تٷسەدٸ. الداعى 3 جىلدىڭ ٸشٸندە 3,2 ميلليارد تەڭگەدەن استام سۋبسيدييا بەرۋ جوسپارلانعان.
