تايلاند پوليتسيياسى بانگكوكتاعى سۋۆارنابحۋمي حالىقارالىق ەۋەجايىندا ەلدەن كەتپەك بولعان اۆسترالييا ازاماتىن ۇستادى. ول 17 جاستاعى قىزدىڭ ٶلٸمٸنە قاتىسى بولۋى مٷمكٸن دەگەن كٷدٸككە ٸلٸندٸ, دەپ حابارلايدى dalanews.kz.
الدىن الا مەلٸمەت بويىنشا, 46 جاستاعى سايمون كەرمان پاتتاييا قالاسىندا جەرگٸلٸكتٸ بويجەتكەنمەن تانىسقان. بٸراز ۋاقىتتان كەيٸن قىز ٸز-تٷزسٸز جوعالىپ كەتكەن.
تەرگەۋ بارىسىندا بەينەباقىلاۋ كامەرالارىنىڭ جازبالارى زەرتتەلدٸ. كادرلاردان ەر ادامنىڭ تاڭعا جۋىق قىزبەن بٸرگە قوناقٷيگە كٸرگەنٸ كٶرٸنەدٸ. ال سول كٷنٸ كەشكە ول عيماراتتان كٶلەمدٸ قارا چەموداندى سٷيرەپ شىققان.
جازبادا ەر ادامنىڭ چەموداندى موتوتسيكلگە جەتكٸزٸپ, ونى كٶلٸككە بەكٸتۋگە ۇزاق ۋاقىت جۇمساعانى بايقالادى. شامامەن 20 مينۋتتان كەيٸن ول قوناقٷيگە قولىندا ەشتەڭەسٸز قايتىپ كەلگەن.
قىزدىڭ دوستارى ونىمەن بايلانىسا الماعاننان كەيٸن پوليتسيياعا جٷگٸنگەن. كەيٸن تەمٸرجول ماڭىنان ونىڭ دەنەسٸ سالىنعان چەمودان تابىلدى.
كٷدٸكتٸ ٶز كٸنەسٸن مويىنداعان جوق. ونىڭ ايتۋىنشا, قىز ەر ادام ۇيىقتاپ جاتقان كەزدە قوناقٷي بٶلمەسٸنەن شىعىپ كەتكەن.
تەرگەۋدٸڭ الدىن الا نۇسقاسى بويىنشا, ولاردىڭ اراسىندا اقشاعا بايلانىستى جانجال شىعۋى مٷمكٸن. قوناقٷي بٶلمەسٸنەن تٶبەلەس ٸزدەرٸ تابىلعان. سونداي-اق كٷدٸكتٸنٸڭ بەتٸ مەن موينىنان تىرنالعان ٸزدەر انىقتالعان.
پوليتسييا بۇل جاراقاتتار قىزدىڭ قارسىلىق كٶرسەتكەنٸن بٸلدٸرۋٸ مٷمكٸن دەپ بولجاپ وتىر. ال اۆسترالييا ازاماتى ولاردى ٶرمەكشٸ شاققاننان قالعان ٸزدەر دەپ تٷسٸندٸرگەن.
كٷدٸكتٸنٸڭ بەينەباقىلاۋ كامەرالارىنداعى جازبالارعا قاتىستى نە ايتقانى ەزٸرگە بەلگٸسٸز. وقيعانىڭ بارلىق مەن-جايى تەرگەۋ بارىسىندا انىقتالادى.
