تاياۋ شىعىستاعى ەسكەري شيەلەنٸستٸڭ كٷشەيۋٸ ەلەمدٸك مۇناي نارىعىنا بٸردەن ەسەر ەتتٸ. دٷيسەنبٸ كٷنگٸ ساۋدا بارىسىندا Brent ماركالى مۇنايدىڭ باعاسى 90 دوللاردان اسىپ, كەيٸنگٸ ايلارداعى ەڭ جوعارى دەڭگەيگە جەتتٸ, دەپ حابارلايدى dalanews.kz.
ساۋدا بارىسىندا Brent مۇنايىنىڭ بٸر باررەلٸ 90,79 دوللارعا دەيٸن كٶتەرٸلسە, كەيٸن 90,04 دوللار دەڭگەيٸندە ساۋدالاندى. بۇل ٶتكەن اپتامەن سالىستىرعاندا شامامەن 2,2 پايىز جوعارى. ال بٸر اپتا ٸشٸندە Brent باعاسى 15,9 پايىز ٶسٸپ, سەۋٸر ايىنان بەرگٸ ەڭ ٸرٸ اپتالىق ٶسٸمدٸ كٶرسەتتٸ.
امەريكالىق West Texas Intermediate (WTI) ماركالى مۇناي دا قىمباتتاپ, بٸر باررەلٸ 84,10 دوللارعا جەتتٸ. ونىڭ باعاسى تەۋلٸكتە 1,95 پايىز, ال ٶتكەن اپتادا 15,5 پايىز ٶسكەن. بۇل ناۋرىز ايىنان بەرگٸ ەڭ جوعارى اپتالىق ٶسٸم سانالادى.
باعانىڭ كٶتەرٸلۋٸنە اقش پەن يران اراسىنداعى قاقتىعىستىڭ ۋشىعۋى سەبەپ بولدى. مەلٸمەتتەرگە سەيكەس, اقش توعىزىنشى تٷن قاتارىنان يران اۋماعىنا سوققى جاساعان. ال اقش-تىڭ وداقتاستارى سانالاتىن كۋۆەيت پەن باحرەين يران تاراپىنان جاڭا شابۋىلدارعا ۇشىراعانىن حابارلادى.
كەيٸنگٸ كٷندەرٸ تاراپتار تەڭٸزدەگٸ تاسىمالعا دا قىسىمدى كٷشەيتكەن. اقش يران پورتتارىنا تەڭٸز بلوكاداسىن ەنگٸزەتٸنٸن مەلٸمدەسە, يران ورمۋز بۇعازىنداعى ٶز تالاپتارىن بۇزاتىن كەمەلەرگە قارسى ەرەكەت ەتەتٸنٸن ەسكەرتتٸ. ايتا كەتەيٸك, ەلەمدەگٸ مۇناي ساۋداسىنىڭ شامامەن بەستەن بٸرٸ دەل وسى ورمۋز بۇعازى ارقىلى جٷزەگە اسادى.
ۇلىبريتانييانىڭ تەڭٸز ساۋدا وپەراتسييالارى باسقارماسى (UKMTO) دٷيسەنبٸ كٷنٸ تاڭەرتەڭ ومانداعى كۋمزار ەلدٸ مەكەنٸنٸڭ سولتٷستٸك-باتىسىندا بٸر كەمەدەن ٶرت شىققانىن حابارلادى.
Barclays بانكٸنٸڭ ساراپشىسى امارپريت سينگحتٸڭ پٸكٸرٸنشە, الداعى كٷندەرٸ ٶڭٸردەن مۇناي ەكسپورتىنىڭ ناقتى كٶلەمٸ ايقىندالا تٷسەدٸ. ونىڭ ايتۋىنشا, نارىق قاتىسۋشىلارى قازٸرگٸ گەوساياسي تەۋەكەلدەردٸڭ مۇناي قورىنا ىقپالىن ەلٸ تولىق باعالاپ وتىرعان جوق. ساراپشى سونداي-اق ەلەمدٸك مۇناي قورى سوڭعى بەس جىلداعى ەڭ تٶمەنگٸ دەڭگەيگە دەيٸن ازايعانىن اتاپ ٶتتٸ.
ال LSEG توبىنىڭ دەرەكتەرٸنە سەيكەس, جەكسەنبٸ كٷنٸ ورمۋز بۇعازى ارقىلى نەبەرٸ تٶرت كەمە ٶتكەن. بۇل الدىڭعى كٷنمەن سالىستىرعاندا ەكٸ ەسە از. سونىمەن قاتار جۇما كٷنٸنەن بەرٸ كەمٸندە ٷش مۇناي ٶنٸمدەرٸن تاسىمالدايتىن تانكەر مەن بٸر سۋپەرتانكەر بۇعازعا مۇناي تيەۋ ٷشٸن كٸرگەنٸ بەلگٸلٸ بولدى.
