الماتى تەحنولوگيا ۋنيۆەرسيتەتى بۇگىندە بىلىكتىلىگى جوعارى ماماندار دايارلاۋدا كوش باستاپ كەلە جاتقان وقۋ ورىنداردىڭ ءبىرى. «ۇعتاو» اق اقپاراتتىق رەسۋرستاردى قالىپتاستىرۋ دەپارتامەنتى ديرەكتورى قامارسۇلۋ ەلەۋكەنوۆا ورتالىقتىڭ بۇگىنگى تىنىس-تىرشىلىگىمەن تانىستىردى. ورتالىق بۇگىندە وتاندىق عالىمدار مەن بىلىكتى مامانداردىڭ عىلىمي ماقالالارىنا ساراپتامالىق وڭدەۋ جۇمىستارىن جۇرگىزۋ، مەملەكەتتىك عىلىمي-تەحنيكالىق باعدارلامالار قورىن جاساقتاۋ، ەلىمىز بويىنشا قورعالعان ديسسەرتاسيالىق جۇمىستاردى جيناقتاۋ، عىلىمي-زەرتتەۋ جانە تاجىريبەلىك-كونسترۋكسيالاۋ جۇمىستارىن رەتتەۋ، كوپسالالى عىلىم بويىنشا ساراپتامالىق-اقپاراتتىق قور قۇرۋ (جاريالاۋعا جاتپايتىن قۇجاتتار، وتاندىق مەن شەتەلدىك عالىمداردىڭ ماقالالارى جانە ستاتيستيكالىق مالىمەتتەر)، قازاقستانداعى يننوۆاسيالىق قىزمەتتى قاجەتتى اقپاراتپەن قامتاماسىز ەتۋ، ەلىمىز ءۇشىن عىلىمي-تەحنيكالىق جانە الەۋمەتتىك-ەكونوميكالىق باعىتتاردى ايقىنداۋ، الەمدىك عىلىمي كەڭىستىكتە حالىقارالىق ىقپالداستىقتىقتى كەڭەيتىپ، وتاندىق عالىمداردىڭ عىلىمي جۇمىستارىن حالىقارالىق جۋرنالداردا جاريالاۋىن قامتاماسىز ەتۋ سىندى ماڭىزدى مىندەتتەردى اتقارىپ كەلەدى.
عىلىمي-تەحنيكالىق اقاپارتتى ينتەگراسيالاۋ دەپارتامنتىنىڭ ءبولىم باسشىسى گۇلنۇر قوزىباعاروۆا ءوز كەزەگىندە وقىتۋشىلاردىڭ سۇراقتارىنا جاۋاپ بەردى. «بۇگىندە الەمدىك عىلىم سالاسىندا پايدا بولعان جالعان جۋرنالدار تەك پايدا تابۋدى عانا كوزدەيدى. سوندىقتان شەتەلدىك جۋرنالدارعا ماقالا شىعارۋ ءۇشىن الدىمەن قانداي جۋرنالدىڭ مالىمەتتەر بازاسىندا تىركەلگەندىگىن، ياعني جالعان جۋرنال ەمەستىگىنە كوز جەتكىزىپ بارىپ ماقالا جاريالاۋ قاجەت»، – دەپ اتاپ ءوتتى. ەكى جاقسى كەزدەسۋ «ۇعتاو» اق مەن اتۋ اراسىنداعى الداعى بولاشاقتاعى بايلانىستارىنىڭ نەگىزى بولماق.
ارايلىم بيمەندييەۆا
