Taǵylymdy kezdesý

Dalanews 20 aqp. 2015 09:04 142

Ulttyq ǵylymı-tehnıkalyq aqparat ortalyǵy AQ Almaty qalasyndaǵy JOO-da bolyp, oqytýshy-professorlar quramymen kezdesýler ótkizdi.  Sondaı kezdesýlerdiń biri Almaty tehnologıa ýnıversıtetinde uıymdastyryldy.

Almaty tehnologıa ýnıversıteti búginde biliktiligi joǵary mamandar daıarlaýda kósh bastap kele jatqan oqý oryndardyń biri. «UǴTAO» AQ Aqparattyq resýrstardy qalyptastyrý departamenti dırektory Qamarsulý Eleýkenova ortalyqtyń búgingi  tynys-tirshiligimen tanystyrdy. Ortalyq búginde otandyq ǵalymdar men bilikti mamandardyń ǵylymı maqalalaryna saraptamalyq óńdeý jumystaryn júrgizý, memlekettik ǵylymı-tehnıkalyq baǵdarlamalar qoryn jasaqtaý, elimiz boıynsha qorǵalǵan dısertasıalyq jumystardy jınaqtaý, ǵylymı-zertteý jáne tájirıbelik-konstrýksıalaý jumystaryn retteý, kópsalaly ǵylym boıynsha saraptamalyq-aqparattyq qor qurý (jarıalaýǵa jatpaıtyn qujattar, otandyq men sheteldik ǵalymdardyń maqalalary jáne statısıkalyq málimetter), Qazaqstandaǵy ınovasıalyq qyzmetti qajetti aqparatpen qamtamasyz etý, elimiz úshin ǵylymı-tehnıkalyq jáne áleýmettik-ekonomıkalyq baǵyttardy aıqyndaý, álemdik ǵylymı keńistikte halyqaralyq yqpaldastyqtyqty keńeıtip, otandyq ǵalymdardyń ǵylymı jumystaryn halyqaralyq jýrnaldarda jarıalaýyn qamtamasyz etý syndy mańyzdy mindetterdi atqaryp keledi.

Ǵylymı-tehnıkalyq aqapartty ıntegrasıalaý departamntiniń bólim basshysy Gúlnur Qozybaǵarova  óz kezeginde oqytýshylardyń suraqtaryna jaýap berdi. «Búginde álemdik ǵylym salasynda paıda bolǵan jalǵan jýrnaldar tek paıda tabýdy ǵana kózdeıdi. Sondyqtan sheteldik jýrnaldarǵa maqala shyǵarý úshin aldymen qandaı jýrnaldyń málimetter bazasynda tirkelgendigin, ıaǵnı jalǵan jýrnal emestigine kóz jetkizip baryp maqala jarıalaý qajet», –  dep atap ótti. Eki jaqsy kezdesý «UǴTAO» AQ men ATÝ arasyndaǵy aldaǵy bolashaqtaǵy baılanystarynyń negizi bolmaq.

Araılym BIMENDIEVA

Usynylǵan
Sońǵy jańalyqtar
x