سەمەي قالاسىنىڭ ارناۋلى ەلەۋمەتتٸك قىزمەتتەرگە مۇقتاج بالالاردى قولداۋ ورتالىعىنىڭ تەربيەلەنۋشٸلەرٸ ورماندا ٶزٸن دۇرىس ۇستاۋ, تابيعاتتى قورعاۋ جەنە قاۋٸپسٸزدٸك تالاپتارىن ساقتاۋ جٶنٸندەگٸ ماڭىزدى ەرەجەلەردٸ «سەمەي ورمانى» مەملەكەتتٸك ورمان تابيعي رەزەرۆاتىنا ۇيىمداستىرىلعان تانىمدىق ەكسكۋرسييا بارىسىندا بٸلدٸ, دەپ حابارلايدى dalanews.kz.
تابيعات اياسىنداعى كەزدەسۋ «تازا قازاقستان» ەكولوگييالىق باعدارلاماسى اياسىندا تۇراقتى تٷردە ۇيىمداستىرىلىپ كەلەدٸ. بۇل جولى ەكسكۋرسييا ارنايى ەلەۋمەتتٸك قىزمەتتەرگە مۇقتاج بالالاردى قولداۋ ورتالىعىنىڭ تەربيەلەنۋشٸلەرٸنە ارنالدى.
ٸس-شارانىڭ نەگٸزگٸ ماقساتى – بالالاردىڭ تابيعاتقا دەگەن سٷيٸسپەنشٸلٸگٸن ارتتىرۋ, قورشاعان ورتانى قورعاۋدىڭ ماڭىزىن تٷسٸندٸرۋ, سونداي-اق ورماندى اۋماقتاعى قاۋٸپسٸزدٸك تالاپتارىن ساقتاۋعا ٷيرەتۋ. ەكسكۋرسييا بارىسىندا بالالار تابيعات اياسىندا سەرۋەندەپ قانا قويماي, ورماننىڭ ەكوجٷيەسٸ, ونداعى ٶسٸمدٸكتەر مەن جانۋارلار دٷنيەسٸ تۋرالى مول ماعلۇمات الدى.
ەكسكۋرسييا «سەمەي ورمانى» رەزەرۆاتىنىڭ پاۆلودار تاس جولى بويىنداعى اۋماعىندا ٶتتٸ. بالالارعا قىزىل كوردون ورمان شارۋاشىلىعىنىڭ قىزمەتكەرلەرٸ جەتەكشٸلٸك جاساپ, ورماندا ٶزٸن-ٶزٸ ۇستاۋ جەنە قاۋٸپسٸزدٸك ەرەجەلەرٸن تٷسٸندٸردٸ.
ورمان ماماندارى تابيعي اۋماقتىڭ ەرەكشە قورعالاتىنىن اتاپ ٶتٸپ, كەلۋشٸلەر تاراپىنان بەلگٸلەنگەن تالاپتاردىڭ قاتاڭ ساقتالۋى قاجەتتٸگٸن ايتتى. ەسٸرەسە ٶرت قاۋٸپسٸزدٸگٸنە ەرەكشە نازار اۋدارىلدى. ورمان القابىندا وت جاعۋعا, قوقىس تاستاۋعا, تابيعي ورتاعا زييان كەلتٸرۋگە جەنە بەيبەرەكەت جٷرٸپ-تۇرۋعا بولمايتىنى تٷسٸندٸرٸلدٸ.
«ورمان القابى ٷلكەن بولعاندىقتان, مەملەكەتتٸك دەڭگەيدە قورعالادى. سوندىقتان بۇل اۋماقتا بەيساۋات جٷرۋگە بولمايدى. ەڭ الدىمەن, كەلۋشٸلەر قاۋٸپسٸزدٸك ەرەجەلەرٸن مۇقييات ساقتاۋى قاجەت. وت جاعۋعا تىيىم سالىنادى. سونداي-اق قوقىس تاستاپ, تابيعاتقا زييان كەلتٸرۋگە بولمايدى. بٸز تەربيەلەنۋشٸلەرگە وسى مەسەلەلەر بويىنشا قاجەتتٸ باعىت-باعدار بەردٸك», – دەيدٸ «سەمەي ورمانى» موتر قىزىل كوردون ورمان شارۋاشىلىعىنىڭ باسشىسى قۋانىش قايىرحانوۆ.
ەكسكۋرسييا بارىسىندا بالالار ورمان شارۋاشىلىعى قىزمەتكەرلەرٸمەن بٸرگە تابيعات اياسىندا سەرۋەندەپ, ورماننىڭ تىنىس-تٸرشٸلٸگٸمەن جاقىنىراق تانىستى. ماماندار ورمان اۋماعىندا ٶسەتٸن ٶسٸمدٸكتەر, مەكەندەيتٸن جانۋارلار مەن قۇستار تۋرالى ايتىپ, ولاردىڭ تابيعي تەپە-تەڭدٸكتٸ ساقتاۋداعى ماڭىزىنا توقتالدى.
بالالارعا تابيعاتتى قورعاۋدىڭ قاراپايىم, بٸراق ماڭىزدى قاعيدالارى دا تٷسٸندٸرٸلدٸ. اتاپ ايتقاندا, قوقىستى ارنايى ورىندارعا تاستاۋ, ٶسٸمدٸكتەردٸ سىندىرماۋ, قۇستار مەن جانۋارلارعا زييان كەلتٸرمەۋ, ورمان ٸشٸندە وت جاقپاۋ جەنە ٶرت قاۋٸپسٸزدٸگٸ تالاپتارىن ساقتاۋ قاجەتتٸگٸ ايتىلدى.
تەربيەلەنۋشٸلەر ٷشٸن ەكسكۋرسييانىڭ تاعى بٸر ەرەكشەلٸگٸ – تابيعاتتى تٸكەلەي باقىلاۋ ارقىلى جاڭا اقپارات الۋ مٷمكٸندٸگٸ بولدى. ولار ورماننىڭ تابيعي ەرەكشەلٸكتەرٸن كٶرٸپ, تٷرلٸ ٶسٸمدٸكتەرگە نازار اۋدارىپ, قورشاعان ورتا تۋرالى ٶزدەرٸن قىزىقتىرعان سۇراقتارىن ماماندارعا قويدى.
تابيعات اياسىنداعى سەرۋەن بالالارعا ەرەكشە ەسەر سىيلادى.
«بٸز بٷگٸن تابيعات اياسىنا شىعىپ, ورماننىڭ قانداي ٷلكەن ەكەنٸن كٶرٸپ, تاڭعالدىق. مۇندا تابيعات ٶتە ەدەمٸ ەكەن. اۋاسى دا تازا. ورمانشى اعايلار بٸزگە قورشاعان ورتانى تازا ۇستاۋ كەرەكتٸگٸن جەنە تابيعاتتى قورعاۋدىڭ ماڭىزىن تٷسٸندٸردٸ. بٷگٸن كٶپ نەرسە بٸلدٸك», – دەدٸ ورتالىق تەربيەلەنۋشٸلەرٸ.
مۇنداي ەكولوگييالىق ٸس-شارالار بالالاردىڭ تابيعاتقا جاناشىرلىقپەن قاراۋىنا, قورشاعان ورتانى قورعاۋعا دەگەن جاۋاپكەرشٸلٸگٸن قالىپتاستىرۋعا ىقپال ەتەدٸ. سونىمەن قاتار تابيعات اياسىنداعى تانىمدىق كەزدەسۋلەر جاسٶسپٸرٸمدەردٸڭ بوس ۋاقىتىن تيٸمدٸ ٶتكٸزٸپ, جاڭا بٸلٸم مەن تەجٸريبە جيناقتاۋىنا مٷمكٸندٸك بەرەدٸ.
«تازا قازاقستان» اكتسيياسى اياسىنداعى وسىنداي باستامالار ەكولوگييالىق مەدەنيەتتٸ قالىپتاستىرۋمەن قاتار, تابيعاتتى ايالاۋ قۇندىلىقتارىن جاس ۇرپاقتىڭ بويىنا سٸڭٸرۋگە باعىتتالعان.
