ت. دۇيسەنوۆانىڭ ايتۋىنشا، بارلىق الەۋمەتتىك-ەڭبەك سالاسىن، ياعني ەڭبەك قاتىناستارى مەن جۇمىسباستىلىقتى، زەينەتاقىمەن قامتۋ، الەۋمەتتىك قامسىزداندىرۋ، الەۋمەتتىك ساقتاندىرۋ، الەۋمەتتىك قىزمەتتەر، كوشى-قوندى قامتيتىن ءبىرىڭعاي اقپاراتتىق جۇيە بار.
«بۇل جۇيە قازاقستاندىقتاردى دۇنيەگە كەلگەن كەزىنەن باستاپ، بارلىق ءومىر كەزەڭدەرى ارالىعىندا سۇيەمەلدەپ، بارلىق كەزەڭدە اۆتوماتتاندىرىلعان قىزمەتتەر ۇسىنادى»، — دەدى مينيستر.
كورسەتىلگەن قىزمەتتەر كولەمى ۇنەمى ءوسىپ جاتىر. بيىلدىققا 19 ملن-نان استام قىزمەت كورسەتىلگەن، ولاردىڭ 17% — eGov پورتالى ارقىلى ۇسىنىلعان. ونلاين رەجيمىندە قىزمەتتەردى الۋشىلاردىڭ دەرەكتەرى جاڭارتىلىپ وتىرادى، بۇل ازاماتتاردىڭ الەۋمەتتىك قۇقىعىن قامتاماسىز ەتۋگە مونيتورينگ جۇرگىزۋگە جانە قاجەت بولعان جاعدايدا ءتيىستى شەشىمدەردى قابىلداۋعا مۇمكىندىك بەرەدى.
ق ر پرەزيدەنتىنىڭ تاپسىرمالارىن ورىنداۋ اياسىندا 2017 جىلعى قازاننان باستاپ ءبىرىڭعاي ەلەكتروندى ەڭبەك بيرجاسى قىزمەت كورسەتەدى. ءبىر جارىم ايدىڭ ىشىندە ءبىرىڭعاي ەلەكتروندى بيرجا ارقىلى 15 مىڭ ىزدەۋشى وزدەرىنىڭ ماماندىقتارى مەن تاجىريبەلەرىنە ساي كەلەتىن جۇمىس تاپتى. بۇگىندە ەلەكتروندى بيرجادا 8 مىڭنان استام تۇيىندەمە مەن 30 مىڭعا جۋىق بوس جۇمىس ورىندارىنىڭ ءتىزىمى ورنالاستىرىلعان. بۇگىندە بيرجا جۇمىس ىستەپ تۇر، كەلەسى جىلدان باستاپ وعان بارلىق 199 جۇمىسپەن قامتۋ ورتالىعى (بۇگىندە 4)، ەڭبەكپەن قامتۋ بويىنشا 10-عا جۋىق ينتەرنەت-الاڭ (بۇگىندە 2) قوسىلىپ، وسىندا تارتىلعان جەكە جۇمىسپەن قامتۋ اگەنتتىكتەرىنىڭ سانى (بۇگىندە 19) شامامەن ەكى ەسەگە ارتادى .
«ءبىرىڭعاي ەڭبەك بيرجاسىن ەنگىزۋ 2025 جىلعا قاراي ىزدەۋشىلەردى ەڭبەكپەن قامتۋ پايىزىن قازىرگى جۇمىس ىزدەۋشىلەردىڭ (2،2 ملن ادام) جالپى سانىنىڭ 10%-نان 20%-عا دەيىن ۇلعايتۋعا مۇمكىندىك بەرەدى»، — دەدى ت. دۇيسەنوۆا.
سونىمەن قاتار ءبىرىڭعاي ەلەكتروندى ەڭبەك بيرجاسىنىڭ بازاسىندا ءوزىن-وزى جۇمىسپەن قامتىعاندار (كىرىستەرى 12 ەتج) ءۇشىن مەملەكەتتىك كىرىستەر ورگاندارىندا جەڭىلدەتىلگەن تىركەۋ تەتىگى ىسكە اسىرىلادى.
مۇمكىندىكتەرى شەكتەۋلى جانداردى الەۋمەتتىك قامسىزداندىرۋ جۇيەسىندە مەديسينالىق-الەۋمەتتىك ساراپتاما جۇرگىزۋ بويىنشا ۇيلەسىمدى قىزمەتكە كوشۋ جۇمىسى جۇزەگە اسىرىلعان، ياعني، ەندىگى كەزەكتە ادام ءتيىستى الەۋمەتتىك قىزمەتتەردى الۋ ءۇشىن ءۇش ۇيىمنىڭ ورنىنا تەك ءبىر ۇيىمعا جۇگىنەدى.
ت. دۇيسەنوۆانىڭ ايتۋىنشا، قىزمەتتەر بۇرىنعىسىنان دا قولجەتىمدىرەك بولادى – كۋالاندىرۋ كەزىندە تىكەلەي قاتىسۋدىڭ قاجەتى جوق، ءوتىنىمدى eGov ارقىلى ەلەكتروندى تۇردە بەرۋگە بولادى. تاعى ءبىر جوبا – مۇقتاج ازاماتتاردىڭ الەۋمەتتىك تىركەلىمى.
قورىتىندىلاي كەلە، ت.دۇيسەنوۆا ەندىگى الەۋمەتتىك-ەڭبەك سالاسىن ودان ءارى سيفرلاندىرۋ ءبىرقاتار وزەكتى ماسەلەلەرگە سايكەس جۇرگىزىلەتىنىن ايتتى. ولار: ازاماتتاردىڭ الەۋمەتتىك مارتەبەسىن وزەكتەندىرۋ، ماڭىزدى ازەۋمەتتىك سىن-تەگەۋرىندەردى ەسكەرتۋ جانە مەملەكەتتىك قىزمەتتەردىڭ پرواكتيۆتى فورماتقا كوشۋى. اتالعان ماسەلەلەردىڭ ءساتتى شەشىمىن تابۋ ءۇشىن مينيسترلىكتىڭ اقپاراتتىق رەسۋرستارىن دامىتۋ «سيفرلىق قازاقستان» مەملەكەتتىك باعدارلاماسى اياسىندا جالعاسىن تاپپاق.
