شىمكەنتتە 70 جاستاعى ەر ادام بالالاردىڭ ٷيٸنە تاس لاقتىرعانىنا اشۋلانىپ, ەكٸ كٶرشٸسٸنە پىشاق جاراقاتىن سالدى, دەپ حابارلايدى dalanews.kz.
وقيعا جاڭاتالاپ شاعىناۋدانىندا بولعان. جەرگٸلٸكتٸ تۇرعىنداردىڭ ايتۋىنشا, كەشكٸ ۋاقىتتا بالالار زەينەتكەردٸڭ ٷيٸنٸڭ شاتىرىنا تاس لاقتىرعان. اشۋعا بۋلىققان ەر ادام كٶشەگە پىشاقپەن جٷگٸرٸپ شىققان.
العاش بولىپ ونىڭ الدىنان كٶرشٸلەرٸنٸڭ بٸرٸ شىققان. كەيٸن ەكٸنشٸ ەر ادام كٶمەككە جٷگٸرٸپ كەلگەن كەزدە, كٷدٸكتٸ وعان دا شابۋىل جاساعان. وقيعانىڭ بارلىعىن بالالار كٶرگەن.
«ول اشۋىن بٸرەۋدەن شىعارعىسى كەلٸپ شىقتى. پسيحيكالىق اۋىتقۋى بار ادام عوي. سول ەكٸ ادامعا تاپ بولدى. ەكەۋٸ دە قازٸر اۋرۋحانادا جاتىر. ەكەۋٸن دە سان تۇسىنان پىشاقتاعان دەيدٸ», - دەدٸ جەرگٸلٸكتٸ تۇرعىن شىنار ساحمەتوۆا.
زارداپ شەككەن ەكٸ ادام تٷندە اۋرۋحاناعا جەتكٸزٸلگەن. دەرٸگەرلەر ولارعا شۇعىل وپەراتسييا جاساعان. ەكەۋٸنٸڭ دە جاسى شامامەن 60-تا ەكەنٸ ايتىلدى.
وقيعا ورنىندا قان ٸزدەرٸ ەلٸ دە قالعان. كٷدٸكتٸ سول جەردە ۇستالعان. پوليتسييا قىلمىستىق ٸس قوزعاپ, تەرگەۋ جٷرگٸزٸپ جاتىر.
