Shymkentte 70 jastaǵy er adam balalardyń úiine tas laqtyrǵanyna ashýlanyp, eki kórshisine pyshaq jaraqatyn saldy, dep habarlaidy dalanews.kz.
Oqiǵa Jańatalap shaǵynaýdanynda bolǵan. Jergilikti turǵyndardyń aitýynsha, keshki ýaqytta balalar zeinetkerdiń úiiniń shatyryna tas laqtyrǵan. Ashýǵa býlyqqan er adam kóshege pyshaqpen júgirip shyqqan.
Alǵash bolyp onyń aldynan kórshileriniń biri shyqqan. Keiin ekinshi er adam kómekke júgirip kelgen kezde, kúdikti oǵan da shabýyl jasaǵan. Oqiǵanyń barlyǵyn balalar kórgen.
«Ol ashýyn bireýden shyǵarǵysy kelip shyqty. Psihikalyq aýytqýy bar adam ǵoi. Sol eki adamǵa tap boldy. Ekeýi de qazir aýrýhanada jatyr. Ekeýin de san tusynan pyshaqtaǵan deidi», - dedi jergilikti turǵyn Shynar Sahmetova.
Zardap shekken eki adam túnde aýrýhanaǵa jetkizilgen. Dárigerler olarǵa shuǵyl operatsiia jasaǵan. Ekeýiniń de jasy shamamen 60-ta ekeni aityldy.
Oqiǵa ornynda qan izderi áli de qalǵan. Kúdikti sol jerde ustalǵan. Politsiia qylmystyq is qozǵap, tergeý júrgizip jatyr.
